fbpx

Jaguar ხელახლა გამოუშვებს ლეგენდარული D-Type მოდელის მანქანებს


გააზიარე სტატია

ბრიტანულმა ავტომწარმოებელმა კომპანიამ Jaguar-მა განაცხადა, რომ 60-წლიანი პაუზის შემდეგ იგი კვლავ გამოუშვებს D-Type სარბოლო ავტომობილს.

ავტომწარმოებელი კომპანია კლასიკური D-Type მოდელის 25 ერთეულ ხელით აწყობილ ავტომობილს გამოუშვებს. ერთ-ერთი მათგანი პირველად 2018 წლის თებერვალში, პარიზში, Retromobile-ის გამოფენაზე გამოჩნდა.

უკანასკნელი D-Type-ის აწყობიდან 62 წელი გავიდა. იმ დროს Jaguar 100 მოდელის გამოშვებას აპირებდა, თუმცა მხოლოდ 75-ის წარმოება მოახერხა. ლეგენდარული სპორტული ავტომობილის 25 ახალი მოდელის გამოშვებით კომპანია თავდაპირველ გეგმას შეასრულებს. აღსანიშნავია, რომ ეს მოდელები პირველი D-Type-ის შექმნის დროს არსებული ტექნოლოგიებით აეწყობა.

„D-Type Jaguar ყველა დროის ერთ-ერთი უმშვენიერესი და გასაოცარი ავტომობილია… მსოფლიოს უხისტეს და ურთულეს რბოლებში მან საოცარი შედეგი აჩვენა, და დღეს იგი არანაკლებ განსაცვიფრებელია, – ამბობს ტიმ ჰენიგი, Jaguar Land Rover-ის კლასიკური განყოფილების დირექტორი.

1955-57 წლებში, XK 6-ცილინდრიანი ძრავით დაკომპლექტებულმა სპორტულმა ავტომობილმა ლე მანის 24-საათიანი რბოლა სამჯერ მოიგო.

„წარმოების თავდაპირველი გეგმის შესრულება არის შესაძლებლობა, რომ წვლილი შევიტანოთ D-Type-ის წარმატების ისტორიაში და ეს Jaguar Land Rover კლასიკური განყოფილების ექსპერტებისთვის დიდი პატივია“, – ამბობს ჰენიგი.

ახალ D-Type-ის მოდელებს Jaguar Land Rover Classic Work-ის სპეციალისტები კოვენტრიში, ინგლისში დაამზადებენ. D-Type-ის შეძენის მსურველებს ექნებათ არჩევანი 1955 წლის Shortnose და 56 წლის Longnose-ს ვერსიებს შორის.

Jaguar-ს უკვე აქვს ძველი მოდელის ხელახლა წარმოების გამოცდილება. 2014 წელს კომპანიამ ხელახლა გამოუშვა ლეგენდარული E-Type ავტომობილი. 1963 წელს, დაგეგმილი 18 GT E-Type მოდელის ნაცვლად, კომპანიამ მხოლოდ 12 ავტომობილი ააწყო.

3 წლის შემდეგ, 2017 წლის სექტემბერში, Jaguar-მა გამოუშვა E-Type-ის ელექტრო ვერსია იმის საჩვენებლად, რომ კლასიკურ მანქანებს დღევანდელ დღესაც აქვთ პერსპექტივა და მომავალი.

წყარო: dezeen.com


რეკომენდებული სტატიები
ისტორიაში პირველად, თვითმავალი ავტომანქანის მონაწილეობით ფატალური შემთხვევა დაფიქსირდა

ისტორიაში პირველად, თვითმავალი ავტომანქანის მონაწილეობით ფატალური შემთხვევა დაფიქსირდა

ისტორიაში პირველად, თვითმავალი ავტომანქანის მონაწილეობით ფატალური შემთხვევა დაფიქსირდა
კომპანიამ ამ მომენტისთვის შეაჩერა ყველა ავტონომიური თვითმართვადი მანქანის გადაადგილება და ტესტები
შეუპოვარი მხედრობა:  მოპედისტები თბილისში

შეუპოვარი მხედრობა: მოპედისტები თბილისში

შეუპოვარი მხედრობა:  მოპედისტები თბილისში
თბილისის ქუჩებში ბოლო დროს მოტორისტების ახალი ჯგუფი - მოპედიანი ადამიანები გამოჩნდნენ. ისინი იმ უმცირესობაში არიან, ვისთვისაც არც საცობები არსებობს, არც პარკირების პრობლემა
მიიღე ყოველდღიური განახლებები!
სიახლეების მისაღებად მოგვწერეთ თქვენი ელ.ფოსტა.