19 აპრილი – დილიდან 

კომპანია Warner Bros.-მა ახალი ფილმი დაანონსა, რომელიც DC-ის კომიქსს, “Blackhawk-ს” დაეფუძნება და მას რეჟისორი სტივენ სპილბერგი გადაიღებს

რეჟისორის კარიერაში ეს პირველი შემთხვევაა, როდესაც ის კომიქსის გმირს შთაბერავს სიცოცხლეს. სცენარისტი მისი დიდი ხნის პარტნიორი დევიდ კოეპია. რეჟისორის უკანასკნელმა ფილმმა “პირველი მოთამაშე” კინოგაქირავებაში 476 მილიონი მოაგროვა. Blackhawk DC-ის ერთ-ერთი პერსონაჟია, რომელიც კომიქსებში პირველად 1941 წელს გამოჩნდა. ის ელიტარული რაზმის პილოტი იყო და მეორე მსოფლიო ომში იბრძოდა.
წყარო: http://variety.com/

კანის კინოფესტივალის ორგანიზატორებმა კანის 71-ე კინოფესტივალის მთავარი საკონკურსო პროგრამის ჟიურის ყველა წევრი დაასახელეს

წელს ოქროს პალმის რტოს მფლობელს გამოავლენენ – რეჟისორები ავა დუვერნეი და დენი ვილნევი, მსახიობები კრისტენ სტიუარტი და ლეა სეიდუ, ჩინელი მსახიობი ჩენგ ჩენი, ფრანგი რეჟისორი რობერტ გეიდიგიანი, ბურუნდელი მომღერალი ხაჯა ნინი და რუსი რეჟისორი ანდრეი ზვიაგინცევი. ჟიურის პრეზიდენტი ქეით ბლანშეტი იქნება, სადაც ხუთი მამაკაცი, ოთხი ქალი და შვიდი სხვადასხვა ეროვნების ადამიანია ხუთივე კონტინენტიდან.
ჟიურის ყველა წევრი სხვადასხვა დროს მონაწილეობდა კანის კინოფესტივალში.
წყარო: http://www.festival-cannes.com/

რუსეთის კომუნიკაციების და კავშირგაბმულობის ზედამხედველობის ფედერალურმა სამსახურმა შესაძლოა Facebook დაბლოკოს

ამის შესახებ სამსახურის უფროსმა ალექსანდრ ჟაროვმა ერთ-ერთ ინტერვიუში ისაუბრა. უკვე მესამე წელია, ზედამხედველობის სამსახური Facebook-სგან უშუალოდ რუსეთის ტერიტორიაზე რუსეთისავე მოქალაქეების პირადი მონაცემების ლოკალიზებასა და რუსეთში აკრძალული კონტენტის წაშლას მოითხოვს. Facebook არ არის პირველი სოციალური ქსელი რუსეთში, რომელსაც პრობლემები შეექმნა. გასულ წლებში იგივე მოთხოვნების შეუსრულებლობის შედეგად დაიბლოკა Linkedin, გასულ კვირას კი – Telegram.
წყარო: https://www.bbc.com/

Stranger Things-ის მესამე სეზონს ორი მსახიობი დაემატა

წარმატებული მესამე სეზონის შემდეგ Stranger Things-ის ჯგუფი გადაღებებს ზაფხულში დაიწყებს. სიუჟეტი 1985 წლის ზაფხულში განვითარდება, წინა სეზონის ისტორიიდან 1 წლის შემდეგ. დღეს ცნობილი გახდა, რომ შოუს მესამე სეზონს ორი მსახიობი – ქერი ელვისი და ჯეიკ ბიუსი დაემატა. ძველი და ჩვენთვის საყვარელი პერსონაჟების გარდა, ახალ ნაწილში ვიხილავთ ახალ პერსონაჟს, რობინსაც, რომლის როლსაც უმა თურმანისა და ითან ჰოუკის შვილი, მაია ჰოუკი შეასრულებს. წინასწარი ინფორმაციით, ქერი და ჯეკი ორ ახალ პერსონაჟს – ლარი კლინსა და ბრიუსს განასახიერებენ. ლარი კლინი – პოლიტიკოსია, რომელიც მხოლოდ საკუთარი მიზნებისა და კარიერისთვის მოქმედებს. ბრიუსი – 50 წელს მიახლოებული ახალი ამბების რეპორტიორი, რომელიც ხასიათდება სექსისტური განცხადებებით და ნადირობს სკანდალურ ამბებზე. კიდევ ერთი ახალი პერსონაჟი პატრისია ბრაუნია, ჯოისის 70 წელს გადაცილებული მეზობელი, რომელიც საკუთარი დროის ძირითად ნაწილს ბაღის მოვლასა და მეზობელ ბავშვებზე ზრუნვას უთმობს.
წყარო: http://variety.com/

პირველი კადრები ოსკაროსანი ემა სტოუნის სერიალიდან

ოსკაროსანი მსახიობი ემა სტოუნი მალე კინოეკრანიდან ტელეეკრანზე გადაინაცვლებს და იმ A კატეგორიის ვარსკვლავებს შეუერთდება, რომლებიც კინო და სატელევიზიო როლების ერთმანეთთან შეთავსებას წარმატებულად ახერხებენ. Maniac, ასე ერქმევა ნეტფლიქსის ახალ შოუს, რომელშიც ემა ჯონა ჰილთან ერთად ითამაშებს. ახალი კომედიური დრამის სცენარს პატრიკ სამერველი დაწერს, მისი სიუჟეტი 2014 წლის ნორვეგიულ სერიალზე იქნება დაფუძნებული და ის ფსიქიატრიულის პაციენტებზე მოგვითხრობს, რომლებიც საკუთარ ფანტაზიაში ახალ ცხოვრებას იწყებენ. ემა სტოუნთან ერთად სერიალში ვიხილავთ – ჯონა ჰილს, სალი ფილდს და ჯასტინ ტერუს. ცოტა ხნის წინ ნეტფლიქსმა სერიალის პირველი ოფიციალური ფოტოები გაავრცელა.
წყარო: http://www.vulture.com/

60-წლიანი ერა დასრულდა – კასტროები კუბას აღარ მართავენ

დღეს კუბაში ქვეყნის ნაციონალური ასამბლეის სხდომა გაიმართება, სადაც ქვეყნის ამჟამინდელი მმართველი და კომუნისტური პარტიის პირველი მდივანი რაულ კასტრო დაკავებულ თანამდებობას დატოვებს. ქვეყნის ახალი პრეზიდენტი, დიდი ალბათობით, კუბის ამჟამინდელი ვიცე-პრეზიდენტი მიგელ კანელ-დიაზი გახდება. ესაა პირველი დღე ბოლო 60 წლის განმავლობაში, როცა კუბის პრეზიდენტი კასტროების ოჯახის წევრი აღარ არის.
წყარო: http://www.bbc.com/

ჟურნალ People-ის 2018 წლის ყველაზე ლამაზი ქალი მომღერალი პინკი გახდა

People-მა ტრადიციულად წლის ყველაზე ლამაზი ქალი გამოავლინა. წელს ეს სტატუსი მომღერალ პინკს ერგო და ის ჟურნალის ყდას დაამშვენებს.
წყარო: https://www.instagram.com/