13 ივლისი დილიდან

 

პარასკევს, 13 ივლისს, 20:40 საათზე მზიურის თავისუფალი კინოჩვენებების სივრცეში რიდლი სკოტის  ფილმს, „კარგ წელს“ აჩვენებენ

ლონდონის საფონდო ბირჟის „ვარსკვლავის“, მაქს სკინერისთვის პროვანსში ბიძისგან მემკვიდრეობით მიღებულ შატოს მხოლოდ სარფიანი აქციების ფასი აქვს. საფრანგეთში ჩასული ბროკერი, რომელიც მუდმივად ქაოსურ გარემოში  ყიდვა-გაყიდვის ხელსაყრელი ოპერაციებით არის დაკავებული, მოგონებებთან ერთად, ღირებულებების გადაფასებას იწყებს. მის ცხოვრებაში შემოიჭრება ბავშვობის სიყვარული, რომელიც მისგან არჩევანის გაკეთებას მოითხოვს. ერთად ვნახოთ, რას მოიმოქმედებს მაქს სკინერი, გააგრძელებს ლონდონის საფონდო ბირჟის წარმატებული ბროკერის პოზიციაზე მუშაობას თუ პროვანსში სიყვარულთან ერთად განაგრძობს ცხოვრებას.

წყარო: https://www.facebook.com/

 

შონდა რაიმსმა, რომელიც სერიალების, Grey’s Anatomy-ის, Scandal-ის, How to Get Away with Murder-ის და ა.შ. ავტორია, მრავალწლიანი თანამშრომლობის შემდეგ ABC-ის დატოვა და Netflix-ზე გადავიდა

We’re finally settled in our new office. The Shondaland family is so grateful to @netflix for being so awesome and generous.

A post shared by Shonda Rhimes (@shondarhimes) on Jul 9, 2018 at 3:29pm PDT

შონდამ არხთან პირველ ეტაპზე ოთხწლიანი კონტრაქტი გააფორმა, საბოლოო ჯამში კი $480 მილიონს მიიღებს. აღსანიშნავია, რომ შონდას ნეტფლიქსმა მისი კომპანია შონდალენდისთვის დამოუკიდებელი ფართიც გამოუყო.

წყარო: https://www.instagram.com/

 

20 ივლისს ეკრანზე პოპულარული ამერიკული მიუზიკლის, “მამა მიას” მეორე ნაწილი Mamma Mia: Here We Go Again! გამოვა.

ფილმის გამოსვლამდე შემქმნელებმა  ახალი ვიდეო გამოაქვეყნეს, რომელშიც 10 წლის შემდეგ კვლავ გვესმის ფილმის ერთ-ერთ სავიზიტო ბარათად ქცეული სიმღერა Dancing Queen.

წყარო: https://www.youtube.com/

 

ჟურნალმა Forbes-მა კაილი ჯენერი ამერიკის ყველაზე ახალგაზრდა მილიარდელ ქალად დაასახელა

wow. i can’t believe I’m posting my very own @forbes cover. thank you for this article and the recognition. I’m so blessed to do what i love everyday. i couldn’t have dreamt this up! #KylieCosmetics

A post shared by Kylie (@kyliejenner) on Jul 11, 2018 at 7:00am PDT

 რეალითი შოუს, Keeping Up with the Kardashians-ის ყოფილი მონაწილე ჯერ მხოლოდ 20 წლისაა და საკუთარი ბიზნესით მისი ქონება უკვე 900 მილიონ დოლარს შეადგენს.

წყარო: https://www.instagram.com

 

Big Little Lies-ის ავტორის, ლიან მორიატის წიგნის მიხედვით ნეტფლიქსი სერიალს გადაიღებს

ნეტფლიქსი აპირებს Three Wishes-ის მიხედვით მაყურებელს ახალი შოუ შესთავაზოს. რომანის სიუჟეტი სამი დის ისტორიას მოგვითხრობს. მიუხედავად იმისა, რომ ისინი ერთმანეთისგან სრულიად განსხვავდებიან, მაინც განუყრელი მეგობრები არიან. მანჰეტენზე ქორწილში ყოფნის დროს კი საშინელი ტრაგედია მოხდება, რაც ყველა მათგანის ცხოვრებას სამუდამოდ შეცვლის.

წყარო: https://deadline.com/

 

TMZ-იმ ჯორჯ კლუნის ავარიის კადრები გაავრცელა.

წყარო: https://video.corriere.it/

 

კირა ნაიტლი ახალ ბიოგრაფიულ დრამაში, Colette მთავარ როლს ასრულებს ფილმის სიუჟეტი ცნობილი ფრანგი მწერლის, გაბრიელ სიდონის, იგივე კოლეტის ცხოვრებაზეა

კოლეტი ბისექსუალი იყო და სექსუალური თუ სოციალური ტაბუების წინააღმდეგ გამალებით იბრძოდა. ფილმში აქცენტი მწერლის ქორწინებაზეა, როდესაც კოლეტი 14 წლით უფროს კაცზე დაქორწინდა. ერთი შეხედვით მათ ყველაფერი რიგზე ჰქონდათ,  სანამ ქმარმა კოლეტის დაფარული ვნებების შესახებ არ გაიგო.

წყარო: https://www.youtube.com/

 

გრაკლიანის გორაზე, რომელიც ეროვნული კატეგორიის ძეგლია, კავკასიაში აღმოჩენილი უძველესი წარწერის კონსერვაცია იგეგმება

სწორედ ამ მიზნით საქართველოში იტალიელი ექსპერტი სტეფანო ვოლტა ჩამოვიდა. მისი პირველადი შეფასებით, გრაკლიანის უნიკალური წარწერისთვის კონსერვაციის ჩატარება შესაძლებელია და სამუშაოები სექტემბრიდან დაიწყება.

ფოტო: https://ge.cloudvod.imedi.ge/

 

Emmy 2018-ის ნომინანტები ცნობილია

საუკეთესო დრამატული სერიალის კატეგორიაში ერთმანეთს The Americans, The Crown, Game of Thrones, The Handmaid’s Tale, Stranger Things, Westworld და This Is Us შეერკინებიან. რაც შეეხებათ საუკეთესო მსახიობებს:

საუკეთესო მამაკაცი მსახიობი დრამატულ სერიალში:

ჯეისონ ბეითმენი, Ozark;

ედ ჰარისი, Westworld;

მილო ვენტიმილია, This Is Us;

ჯეფრი რაითი, Westworld.

საუკეთესო ქალი მსახიობი დრამატულ სერიალში:

კლერ ფოი, The Crown;

ტატიანა მასლანი, Orphan Black;

სანდრა ო, Killing Eve;

კერი რასელი, The Americans;

ევან რეიჩელ ვუდი, Westworld.

სხვა ნომინაციები კი ასე გადანაწილდა:

საუკეთესო მინისერიალი

The Alienist;

The Assassination of Gianni Versace: American Crime Story;

Genius: Picasso;

Godless;

Patrick Melrose.

 

საუკეთესო მსახიობი ქალი მინისერიალში ან სატელევიზიო ფილმში:

ჯესიკა ბილი, The Sinner;

ლორა დერნი, The Tale;

მიქაელა დოკერი, Godless;

ჯესიკა ლენგიედი ფალკო, Law & Order True Crime: The Menendez Brothers;

რეჯინა კინგი, Seven Seconds;

სარა პოლსონი, American Horror Story:Cult.

საუკეთესო მსახიობი კაცი მინისერიალში ან სატელევიზიო ფილმში:

 

ანტონიო ბანდერასი, Genius: Picasso;

დარენ კრისი, The Assassination of Gianni Versace: American Crime Story;

ბენედიქტ კამბერბეჩი, Patrick Melrose;

ჯეფ დენიელსი, The Looming Tower;

ჯონ ლეჯედი, Jesus Christ Superstar: Live in Concert;

ჯეს პლემონსი, USS Callister: Black Mirror.

 

Emmy-ს 2018 წლის დაჯილდოება  17 სექტემბერს გაიმართება.

წყარო: https://www.vox.com/

 

დღეს მზე ნაწილობრივ დაბნელდება

მზის დაბნელების ხილვა შესაძლებელი იქნება ავსტრალიის უკიდურეს სამხრეთში, ახალ ზელანდიაში, ატლანტის ოკეანის სამხრეთ ნაწილში ან ანტარქტიდის სანაპიროზე. მზის ნაწილობრივი დაბნელების შემდეგ კი, 27 ივლისის ღამეს, დედამიწის აღმოსავლეთ ნახევარსფეროს მცხოვრებლები 21-ე საუკუნეში ყველაზე ხანგრძლივ მთვარის დაბნელებას იხილავენ. 

წყარო: http://time.com/