28 სექტემბერი დილიდან
ბარბრა სტრეიზანდი 2 ნოემბერს ახალ ალბომს, Walls-ს გამოუშვებს
ალბომიდან პირველი სინგლი Don’t Lie To Me მომღერალმა დღეს გაავრცელა. ახალი სიმღერა სტრეიზანდმა დონალდ ტრამპის პოლიტიკის გასაპროტესტებლად ჩაწერა.
წყარო: https://www.youtube.com/
ნეტფლიქსმა “ბანქოს სახლის” ახალი პრომო გაავრცელა. შოუ ფინალური სეზონით 2 ნოემბერს დაბრუნდება.
წყარო: https://www.youtube.com/
2019 წლის 14 თებერვალს კინოეკრანზე 20th Century Fox-ის ფილმი Dark Phoenix გამოვა
ფილმში მთავარ როლებს ჯენიფერ ლოურენსი, ჯესიკა ჩესტეინი, სოფი ტერნერი, მაიკლ ფასბენდერი, ივან პეტერსი, ჯეიმს მაკევოი და ნიკოლას ჰალტი ასრულებენ.
წყარო: https://www.youtube.com/
5 ოქტომბერს კინოეკრანებზე Sony-ს ახალი ფილმი Venom გამოდის, რომელშიც მთავარ როლს ტომ ჰარდი ასრულებს.
წყარო: https://www.youtube.com/
ფრანკფურტის წიგნის ბაზრობაზე საქართველო უცხოელ სტუმრებს სპეციალურ საჩუქარს გადასცემს
“33 ამბავი ქართული წიგნის შესახებ” – ასე ჰქვია ინგლისურენოვან წიგნს, რომელსაც ფრანკფურტის წიგნის ბაზრობაზე საქართველო უცხოელ სტუმრებს საჩუქრად გადასცემს. წიგნში ქართული ლიტერატურის ისტორიის ყველაზე მნიშვნელოვან მომენტებს საინტერესო ავტორები ჰყვებიან.
წყარო: http://gpba.ge/ge/new/81/
6 ოქტომბერს, 15:00 საათზე ახალ მზიურში „ძილისპირული ამბები მეამბოხე გოგონებისთვის“ პრეზენტაცია გაიმართება
“ძილისპირული ამბები მეამბოხე გოგონებისთვის” ზღაპრებად მოთხრობილი ბიოგრაფიების კრებულია, რომელიც 100 განსაკუთრებული ქალის ისტორიას აერთიანებს. წიგნი 60-მა მხატვარმა ქალმა გააფორმა. შთამბეჭდავი ილუსტრაციები და პატარა მკითხველებისთვის გასაგები ენით მოთხრობილი საინტერესო ამბები ნებისმიერ ბავშვს თუ მშობელს მოხიბლავს.
წყარო: https://www.facebook.com/
30 სექტემბერს, 19:00 საათზე ჟურნალი „ინდიგო“ გიწვევთ „ტერმინალში“ საჯარო დისკუსიაზე – ყველაფერი, რაც გგონია, რომ დამოკიდებულებაზე იცი, არასწორია
რა ვიცით ნივთიერებაზე, დამოკიდებულებაზე და როდის იქცევა ის პრობლემად? როგორ ვმკურნალობთ წამალდამოკიდებულ ადამიანებს და როგორია ქვეყნის პოლიტიკა, ვპასუხობთ თუ არა თანამედროვე მიდგომებს? ვაძლევთ თუ არა ადამიანებს უფლებას, თავად გადაწყვიტონ როგორ მოექცნენ საკუთარ სხეულს? გვაქვს კი საკმარისი ცოდნა და ძალა იმისათვის, რომ ვმართოთ ნივთიერებაზე დამოკიდებულება? როგორ დავძლიოთ უნდობლობა და შიში წამალდამოკიდებული ადამიანების მიმართ? – ეს ის კითხვებია, რომელზე პასუხის გაცემასაც “ინდიგო” 32-ე ნომერში გამოქვეყნებულ სტატიაში ცდილობს. დისკუსიაც ამ კითხვებზე პასუხების ძიების გაგრძელებაა.
წყარო: https://www.facebook.com/
ანდრე ასიმანის რომანის, „შენი სახელი დამიძახე“ პრეზენტაცია 28 სექტემბერს, 19:30 საათზე Frontline Georgia-ში გაიმართება
რომანში მოქმედება გასული საუკუნის 80-იან წლებში ჩრდილოეთ იტალიის პატარა ქალაქში ვითარდება. 17 წლის ელიო ზაფხულში თავის მშობლებთან ექვსი კვირით ჩასულ ამერიკელ სტუდენტს, 24 წლის ოლივერს გაიცნობს. სწორედ აქ იწყება მათი საზაფხულო თავგადასავალი. წიგნი განსაკუთრებული და დაუვიწყარი სიყვარულის შესახებ მოგვითხრობს. წიგნზე მთარგმნელი გურამ ღონღაძე ისაუბრებს, პრეზენტაციის მოდერატორი კი პროექტების მენეჯერი ანა თურმანიძე იქნება.
წყარო: https://www.facebook.com/
ბრიტანეთის ქალაქ ბრისტოლში ერთ-ერთი ყველაზე პრესტიჟული მოკლემეტრაჟიანი ფილმების საერთაშორისო ფესტივალი Encounters Film Festival გაიხსნა, სადაც წელს საქართველო მასშტაბურად იქნება წარმოდგენილი
კინოფესტივალის პირველ დღეს პროგრამაში GEORGIAN PAST MASTERS მიხეილ კობახიძისა და გიო მგელაძის ფილმები აჩვენეს, სექციაში GEORGIAN NEW TALENT წარმოდგენილი იყო ახალგაზრდა ქართველი რეჟისორების თანამედროვე მოკლემეტრაჟიანი ფილმების პროგრამა, ხოლო დღის დასასრულს მაყურებელმა გიორგი შენგელაიას “ალავერდობა” ნახა.