პირველი მსოფლიო ომის კადრების გამაოგნებლად რეალისტური რესტავრაცია

პირველი მსოფლიო ომის ეს კადრები დამუშავებულია და  გვიჩვენებს მაშინდელ რეალობას ზუსტად ისე, როგორც ამას ეს ჯარისკაცები ხედავდნენ. პიტერ ჯექსონმა შეანელა და გააფერადა ისტორიული კადრები და გასახმოვანებლად ვეტერანების ხმა გამოიყენა თავისი ფილმისთვის – „ისინი არ უნდა დაბერდნენ“.

პიტერ ჯექსონი:

“ვიფიქრე, რომ აქამდე არავის უფიქრია ამ ფირების ხელში აღება და სათანადოდ რესტავრაციის შესაძლებლობების განხილვა. ამიტომ მე გამოვითხოვე 4-წუთიანი მასალა, ფირიდან დასკანერებული, და როცა ვნახე,  თუ რამდენად კარგად გამოიყურებოდა ეს კადრები, გაოგნებული დავრჩი.

აღდგენილი კადრების ყურებისას პირველი, რაც თვალში გხვდება, ეს ხალხია, მათი ადამიანურობა – ისინი უცებ ნამდვილი ადამიანები ხდებიან და არა ჩარლი ჩაპლინის სტილში აჩქარებული მცმუკავი ფიგურები. ისინი უკვე ნამდვილი ხალხია, მთელი თავისი ნიუანსებით, ხორციელი ადამიანებისთვის დამახასიათებელი თვისებებით.”

“უმეტესობას გვყავდა ოჯახის წევრი, რომელიც ამ ომში მონაწილეობდა არცთუ ისე დიდი ხნის წინ – ჩვენი დიდი ბაბუები, დიდი ბიძები, და ვფიქრობ, რომ შეგვიძლია ერთი წამით შევყოვნდეთ და მართლა დავფიქრდეთ მათზე, რადგან ისინი ჩვენი ოჯახის წევრები არიან, ჩვენი ნაწილი და ჩვენ მათ დნმ-ს ვატარებთ. ეს იქნება პაუზა  თანამედროვე ცხოვრებაში და ჩვენი წამიერი საფიქრალი იმაზე, თუ რისი გავლა მოუწიათ მათ”.