3 დეკემბერი დილიდან
დღეს თბილისის საერთაშორისო კინოფესტივალი იწყება
თბილისის მე-19 საერთაშორისო კინოფესტივალი ნინო ლეჟავას ფილმით – “აღლუმი” გაიხსნება. 3-დან 9 დეკემბრის ჩათვლით კინომანები ფილმებს რამდენიმე სექციაში ნახავენ. მათ შორისაა საერთაშორისო საკონკურსო პროგრამა, ქართული პანორამა, ჰორიზონტები, დამზადებულია გერმანიაში და ევროპული ფორუმი.
ტრადიციულად, ყოველწლიურად კინოფესტივალის ფოკუსში ერთი ქვეყნის კინონამუშევრები ექცევა. წელს ეს ქვეყანა იტალიაა.
ნახAT თბილისის კინოფესტივალი: წარდგენილი ფილმები და კინომცოდნეების რეკომენდაციები
თბილისის კინოფესტივალი: წარდგენილი ფილმები და კინომცოდნეების რეკომენდაციები
ფოტო: https://www.facebook.com/
ქართველების წარმატება ტალინში – Black Nights ფესტივალის ინდუსტრიულ პროგრამაში, კოპროდუქციის მარკეტზე ლადო ჩიხრაძე საუკეთესო პროდიუსერად დაასახელეს პროექტისთვის “ქორწილი ჩემს ქუჩაზე”
სცენარის განვითარების პროგრამა Script Pool-ში კი მოხვდა გიორგი ვარსიმაშვილის პროექტი “ლიზა ბოზია”, რომელიც ამავე დროს მონაწილეობდა ფესტივალის ფიჩინგ ფორუმზე.
წყარო: https://www.facebook.com/
ქალთა ინიციატივების მხარდამჭერი ჯგუფი გიწვევთ გამოფენაზე – (ვ)ნებები და უფლებები
გამოფენაზე წარმოდგენილი იქნება გენდერული ძალადობის წინააღმდეგ 16-დღიანი კამპანიის ფარგლებში გამოცხადებულ კონკურსში მონაწილე თანამედროვე ქართველი არტისტების ნამუშევრები სექსუალური უფლებების თემის სხვადასხვა ინტერპრეტაციით: რეპროდუქცია, რეპრესირებული სექსუალობა, ადრეული ქორწინება, სექსუალური განათლება, იდენტობა და თვითგამორკვევა.
გამოფენა 7 დეკემბერს გაიხსნება.
წყარო: https://www.facebook.com/
პარიზში საშობაო განათება ჩართეს.
წყარო: https://www.youtube.com
ეგვიპტელ მსახიობს, რანია იუსუფს ციხე ემუქრება
მას კაიროს კინოფესტივალის წითელ ხალიჩაზე გამჭვირვალე კაბით მისვლას ედავებიან. სასამართლოში სარჩელი ადვოკატმა სამილ საბრიმ შეიტანა. მისი განმარტებით, იუსუფის კაბა ეგვიპტურ მორალს და ტრადიციებს ეწინააღმდეგება. ბრალის დამტკიცების შემთხვევაში მსახიობს 5 წლამდე პატიმრობა ემუქრება.
წყარო: https://www.bbc.com/
პრიანკა ჩოპრა Vogue-ის იანვრის ნომერში დემნა გვასალიას კაბით გამოჩნდება
მსახიობმა ინტერვიუში პირად ცხოვრებასა და ქორწინებაზე ისაუბრა.
წყარო: https://www.vogue.com/
მიშელ ობამას წიგნი – Becoming აშშ-ში 2018 წლის ყველაზე გაყიდვად წიგნად დაასახელეს
გამომცემლობას ბარაკ და მიშელ ობამებთან კონტრაქტი ორ წიგნზე აქვს დადებული.
წყარო: http://fortune.com/
5 დეკემბერს, 21:00-ზე კინოთეატრ “ამირანის” პირველ დარბაზში გაიმართება სერგეი ლოზნიცას ფილმის, “დონბასის” ჩვენება
ამავე საღამოს კინოში შეტანილი წვლილისათვის ლოზნიცას “საპატიო პრომეთე” გადაეცემა. „დონბასი” ეს არის 2018 წელს გადაღებული ფილმი, რომლის პრემიერაც კანში, სექციაში „განსაკუთრებული ხედვა” გაიმართა.
წყარო: https://www.facebook.com