ფილმ ROMA-ს მსოფლიო პრემიერას თბილისიც უერთდება
გააზიარე სტატია
„გრავიტაციიდან“ 4 წლის შემდეგ ცნობილი მექსიკელი რეჟისორი ალფონსო კუარონი კინოასპარეზზე დაბრუნდა ფილმით „Roma“.
კუარონის თქმით ეს მისი ყველაზე მნიშვნელოვანი ნამუშევარია, რადგანაც ფილმი ეფუძნება მის ბიოგრაფიასა და ბავშვობის მოგონებებს. ის 60-70-იანი წლების მეხიკოში ვითარდება.
ფილმი წარდგენილია “ოქროს გლობუსზე”, ხოლო მისი პრემიერა ვენეციის კინოფესტივალზე შედგა, სადაც მან ფესტივალის მთავარი ჯილდო – “ოქროს ლომი” დაიმსახურა. მის დისტრიბუტორს კომპანიას NETFLIX წარმოადგენს.
ROMA-ს მსოფლიო პრემიერა გაიმართა 14 დეკემბერს, ხოლო 15 დეკემბერს ქართველ მაყურებელს მისი დიდ ეკრანზე ნახვის შესაძლებლობა ექნება 20:00 საათზე, სინეასტების მოძრაობა Cinepartizan-ში, რომელიც მდებარეობს ნოდარ დუმბაძის ფონდში (ცინცაძის 63).