ფოტოების პლატფორმა Dronestagram-ით National Geographic დაინტერესდა
გააზიარე სტატია
ვებპლატფორმა Dronestagram 2013 წელს საფრანგეთში ერიკ დაპინმა შექმნა და უკვე მეხუთე წელია, რაც დრონებით გადაღებული ფოტოების ონლაინ კონკურსს ატარებს. მასში მონაწილეობის მიღება ნებისმიერ მსურველს, მათ შორის მოყვარულ ფოტოგრაფებსაც შეუძლიათ.
2016 წელს კონკურსით National Geographic დაინტერესდა და ჟურნალის სამი კატეგორია დააწესა: ბუნება, სპორტი-თავგადასავალი და მოგზაურობა.
2015 წელს ვებპლატფორმა Dronestagram პარიზში გაეროს კლიმატის ცვლილების ჩარჩო კონვენციას გამოეხმაურა და სპეციალური კონკურსი გამოაცხადა სახელწოდებით – „პატარა დრონები, დიდი ცვლილებები“. მისი მიზანი იყო, რომ დრონებით გადაღებული ფოტოებით ეჩვენებინა გლობალური დათბობის შედეგად გამოწვეული პრობლემები.
Dronestagram-მა 2018 წლის კონკურსის შედეგები შეაჯამა და გამარჯვებულები გამოავლინა:
- პირველი ადგილი დაიკავა ფოტომ „მშიერი ჰიპოპოტამები“, რომელიც ტანზანიაშია გადაღებული. ავტორი: zekedrone
- მეორე ადგილზე გავიდა კადრი ცენტრალური ვიეტნამიდან. თავდაპირველად ავტორის სამიზნე პატარა სოფელი იყო, სადაც ჰომარებს ამრავლებენ. ავტორი: Trung Pham
- მესამე პოზიციაზე მოხვდა ფოტო, რომელიც შავი ზღვის სანაპიროზე, ოდესაშია გადაღებული. ავტორი: qliebin
Dronestagram-ის კონკურსში მონაწილე სხვა საინტერესო ნამუშევრები:
- „ჰომარების ფერმა“. ვიეტნამი. ავტორი: ტრუნგ ფამი
- „სუსხიანი დილა“. პოლონეთი. ავტორი: Dron Expert
- „კამუფლაჟი“. ავტორი: macbookboy
- „უსუსურობა ბუნების წინაშე“. ავტორი: infectedfpv
- “სადაც მდინარე ოკეანეს ხვდება”. ავტორი: JGalamba
- „ლაგუნა დე-კოტაკოტანი“. ჩილე. ავტორი: ალეკს მიმო
- “ტატაკოას უდაბნო (წითელი უდაბნო)”. კოლუმბია. ავტორი: raggafran
- „კლიმატის დევნილები“. ავტორი: ფლორიან ლედუ
- „სამი ვულკანი“. ავტორი: DroneCopters
- „ზღვის საათი“. ავტორი: Arsovicy
- “დედა-შვილი”. ავტორი: LukeMaximoBell
- „უცნაური ოჯახი“. ავტორი: raggafran
- „გერმანია“. ავტორი: photographersWorld