Instagram, რომელიც ძირითადად სელფების, საჭმელების და მოგზაურობისას გადაღებული ფოტოების პლატფორმად გამოიყენებოდა არსებობის საწყის ეტაპზე, რაც დრო გადის ცდილობს ყველანაირი ინტერესის, გემოვნების და ცხოვრების სტილის მქონე მომხმარებელს შესთავაზოს მისთვის საინტერესო სივრცე. მესენჯერის, სთორების, ვიდეოპლატფორმის დამატებით ის ახლა გაცილებით მიმზიდველია, ვიდრე თუნდაც შარშან ამ დროს იყოს.
რაც დრო გადის, მის წიაღში უფრო და უფრო მეტი საინტერესო გვერდი იქმნება, რომელიც არა კონკრეტული ადამიანისთვის, არამედ გარკვეული თემის გარშემოა შექმნილი და მთელ სამყაროს, ამ სოციალური ქსელის სტილში დამუშავებულ აუთენტურ კონტენტს სთავაზობს.
ვეცადეთ შეგვეგროვებინა ისეთი გვერდები, რომლებიც თქვენი Instagram-ის ფიდს უფრო საინტერესოს გახდიან, თქვენ კი იმაზე დაგაფიქრებენ, რა შეიძლება გავაკეთოთ ამ აპლიკაციის საშუალებით უფრო საინტერესო და განსაკუთრებული, ვიდრე ჩვენი სელფების, ინტერიერის ან ლანჩის ფოტოების დადებაა.
იუმორის და ლიტერატურის დიდებული ნაზავია, რომელიც ცხოვრებისეულ ამბებს წიგნების სათაურებთან ასინქრონებს
ქართული ჟარგონების და ფრაზების განმარტება ზოგჯერ პირდაპირ, ზოგჯერ იუმორის დახმარებით. ამ გვერდზე შესაძლოა მივიწყებული და ხმარებიდან გამოსული ფრაზებიც იპოვოთ.
ფილმებიდან, შოუებიდან, ილუსტრაციებიდან აღებული კადრებისგან შექმნილი მემეები, რომელიც ქართულ კონტექსტში ჯდება
კიდევ ერთი მემეების გვერდი, რომელიც ფერწერული ტილოებით იკვებება და მათი დახმარებით ქმნის ახალ შინაარსს.
რომელიც ინსტაგრამის გვერდის საშუალებით გვიზიარებს იმ გზას, რასაც ის გადის ქართველად ქცევისას.
აქ ნახავთ ყველანაირ ტუალეტს (ნუ თითქმის ყველანაირს), რომელსაც საქართველოში შეიძლება შეხვდე: დაწყებულს გამორჩეული დიზაინის მქონე კაფეებისა და სასტუმროების ტუალეტებიდან, დასრულებულს ტრიალ მინდორში მოწყობული სოფლის ტუალეტებით.
საინტერესო დიზაინის მქონე ტიპოგრაფიის კოლექცია, რომელიც აერთიანებს ძველ და ახალ წიგნის ყდებს, სარეკლამო და საინფორმაციო აბრებს, ეტიკეტებს და სხვა ბეჭდურ მასალას.
ორმა გოგომ გადაწვიტა გავიდეს და ნახოს 364 განსხვავებული ადგილი. ის , რაც უკვე ნახეს, მათ გვერდზე შეგიძლიათ ნახოთ. მიზნამდე დარჩენილია 314 ადგილი.
ფეხსაცმელები სხვადასხვა ლიტერატურული ტექსტებიდან და ილუსტრაციებიდან.
