დანიაში ჩატარებულმა მასობრივმა კვლევამ ვერ მიაკვლია კავშირს წითელას, წითურასა და ყბაყურის აცრებსა და აუტიზმს შორის.
სამეცნიერო და ჯანდაცვის წრეებში ასეთი კავშირის შესაძლებლობა დიდი ხნის გამოკვლეული და უარყოფილია მრავალი სამეცნიერო ნაშრომით. მათში გაბათილებულია 20 წლის წინ გამოქვეყნებული ერთ-ერთი ნაშრომის მონაცემები, რომელსაც ვაქცინაციის საწინააღმდეგო მოძრაობა ეფუძნება.
ახალი კვლევის მასშტაბებმა, რომელშიც 1999-2010 წლებში დაბადებული 657 461 დანიელი ბავშვი იყო ჩართული, წესით, უნდა გაამყაროს ის მოსაზრება, რომლის გავრცელებასაც ექიმები და ჯანდაცვის პროფესიონალები ვაქცინაციის მოწინააღმდეგეთა რიგების ზრდის პირობებში ცდილობენ.
ორშაბათს ჟურნალ Annals of Internal Medicine-ში გამოქვეყნებული ნაშრომი კოპენჰაგენის Statens Serum Institut-ის მკვლევრებმა შექმნეს. კვლევაში მონაწილეობდა იმ მეცნიერთა ნაწილიც, რომლებმაც იგივე საკითხზე კვლევა New England Journal of Medicine-ში 2002 წელს გამოაქვეყნეს, 1991-1998 წლებში დაბადებული 537 303 ბავშვის მონაცემებზე დაყრდნობით.
იმიტომ, რომ აცრებთან დაკავშირებული უადგილო ვარაუდები პირველი კვლევის შემდეგ არ შეცვლილა. “მოსაზრება, რომ ვაქცინები აუტიზმს იწვევს, ჯერ კიდევ პოპულარულია. ხოლო ანტივაქცინური მოძრაობა ბოლო 15 წლის მანძილზე უფრო გაძლიერდა კიდეც. ეს ტენდენცია შემაშფოთებელია”.
ორიგინალი: https://businessinsider.com/
