თანამედროვე სმარტფონების კამერები საშუალებას იძლევა გადაიღო ისეთი ხარისხის ფოტოები, რომლებიც ზოგ შემთხვევაში არაფრით ჩამოუვარდება ჩვეულებრივი ფოტოკამერებით შექმნილ გამოსახულებებს. შესაბამისად, ბევრი მომხმარებლის ტელეფონებით გადაღებული ფოტოები სხვადასხვა კონკურსებზე პროფესიონალების, სპეციალისტების ყურადღების არეალში ხვდება.
წარმოგიდგენთ რამდენიმე ფოტოს, რომლებიც კორპორაცია „ეფლის“ კონკურსზე – „გადაღებულია iPhone-ით“ საერთაშორისო ჟიურიმ გამოარჩია და შესაბამისი კომენტარებიც დაურთო.
„ამ ფოტოზე კომპოზიცია, შუქი, დეტალები იდეალურია. მხოლოდ ერთი წვრილი ხაზი არღვევს ამ ჰარმონიას და აჩენს კითხვას, თუ რა მოხდა და სად არის ეს ადგილი.“ – ჟიურის წევრის, ლუზია დიორის კომენტარი
„თხრობა არქიტექტურის ენით. ამ უცხო ქალაქში ყოველი ბინა ერთი ცალკეული ადამიანური ისტორიაა, ამბავია. იდეალური კომპოზიციია, შუაში კი კალათბურთის ფარი – თითქოს დიდი თვალია.“ – ჟიურის წევრი ანეტ დე გრააფის კომენტარი
„გამოსახულების იდეა და შესრულება საუცხოოა. წვეთებში ფონის მინიმიზირება დიდ შთაბეჭდილებას ახდენს. ფერები, კომპოზიცია, სიმკვეთრე დიდ ინტერესს იწვევს და გიჩნდება სურვილი გაიგო, თუ რომელი სმარტფონითაა გადაღებული,“ – ჟიურის წევრის, ჯონ მაკკორმაკის კომენტარი
„ანარეკლი ნახატს ჰგავს, სადაც ორი ფანტასტიკური სამყარო თანაარსებობს. ფრინველის გამოსახულება ერთადერთი ნიშანია, რაც რეალობის შეგრძნებას იძლევა არარეალურ კომპოზიციაში.“ – ჟიური წევრის, ფილ შილერის კომენტარი
