დრონი, რომელიც არა მხოლოდ დაფრინავს, არამედ “ყველგან დადის” – X-TANKCOPTER

პლატფორმაზე indiegogo.com გამოჩნდა საკმაოდ იაფი (99$) დრონი X-TANKCOPTER. მისი ორიგინალურობა იმაში გამოიხატება, რომ გარდა ფრენისა, ყველგან მავალია და მიწაზე მაღალი სისწრაფით გადაადგილდება.  სპეციალური მუხლუხას დახმარებით, ტექნოლოგია სხვადასხვა სირთულის წინააღმდეგობების, რთული რელიეფის გადალახვას ახერხებს, ხოლო სწორ ზედაპირზე მოხვევას ე.წ. დრიფტის ტექნიკით ახდენს.  

მოწყობილობა აფრენასა და დაშვებას დამოუკიდებლად, ნებისმიერი საგანგებო ჩარევის გარეშე ახორციელებს. HD კამერა, რომლის ხედვის კუთხე 120°-ია, გადაადგილების ნებისმიერ რეჟიმში ფუნქციონირებს. ვიდეომასალა microSD ბარათზე ინახება.

X-TANKCOPTER-ს კომპლექტში მოჰყვება მართვის ჯოისტიკი, თუმცა მისი პილოტირების ფუნქციების შეთავსება მომხმარებლის სმარტფონსაც შეუძლია. მფლობელს ასევე შეუძლია ისარგებლოს სპეციალური VR სათვალით, რომელიც უფრო კომფორტულს ხდის დრონის მართვას. ეკრანად მომხმარებლის ტელეფონი გამოიყენება, მასში ინსტალირებული შესაბამისი პროგრამა კი live-ის რეჟიმში გამოსახულების ოპტიმიზაციას ახდენს.

მოწყობილობა 123 გრამს იწონის. აკუმულატორის სრული დატენვის პირობებში ჰაერში 7 წუთს ატარებს, ხოლო მიწაზე 15-20 წუთის განმავლობაში გადაადგილდება.

სრული კომპლექტი: დრონი X-TANKCOPTER, მართვის პულტი და VR სათვალე 99$ ღირს.