რუსეთში მომხდარი აფეთქების შედეგად, ბირთვულმა დაბინძურებამ შესაძლოა საქართველოშიც შემოაღწია

ბირთვული ცდების აკრძალვის შესახებ შეთანხმების ორგანიზაციის აღმასრულებელმა მდივანმა ლესინ ზარბომ “ტვიტერზე” გამოაქვეყნა ბირთვული ნაწილაკების შესაძლო გავრცელების მოდელირება, რომელიც რუსეთის ტერიტორიის გარდა, საქართველოსაც მოიცავს.

ამ მოდელირების მიხედვით, იმ შემთხვევაში, თუ სევეროდვნისკში ადგილი ჰქონდა აფეთქების შედეგად ბირთვულ დაბინძურებას, ინციდენტის შემდგომ დღეებში ის საქართველოშიც შემოაღწევდა.

To requests on #IMS detection beyond #CTBT, data in, or near the path of potential plume from the explosion are being analyzed . We’re also addressing w/station operators technical problems experienced at two neighboring stations. All data are available to our Member States. https://t.co/pHL4WrHU23 pic.twitter.com/9aO5cQTlls

— Lassina Zerbo (@SinaZerbo) August 18, 2019

შეგახსენებთ, რომ არხანგელსკის ოლქში მდებარე სამხედრო პოლიგონზე აფეთქება 8 აგვისტოს მოხდა. დაიღუპა “როსატომის” ხუთი თანამშრომელი. რუსეთის თავდაცვის სამინისტრომ აფეთქების დეტალები არ გაასაჯაროვა. რადიაციის დონის მონიტორინგისთვის განკუთვნილი ახლომდებარე სადგურები, რუსული მხარის განცხადებით, მწყობრიდან გამოვიდა.