21 ოქტომბერი დილიდან 

გიგა ლიკლიკაძის სადებიუტო ნამუშევრის მსოფლიო პრემიერა კოტბუსის საერთაშორისო კინოფესტივალზე გაიმართება.

ფილმი “ღორი” ფესტივალის მთავარ კონკურსში იქნება წარმოდგენილი.

ვიდეო: https://www.facebook.com/

უტა ბერიას “უარყოფით რიცხვებს” საფრანგეთსა და იტალიაში ნახავენ.

ნოემბერში ფილმის მსოფლიო პრემიერა ჯერ Arras Film Festival-ზე გაიმართება, შემდეგ კი “უარყოფითი რიცხვების” იტალიურ პრემიერას რომის დამოუკიდებელი კინოფესტივალი უმასპინძლებს.

ვიდეო: https://www.facebook.com/

ლაშა ბექაური მსოფლიოს ჩემპიონია.

90 კგ წონით კატეგორიაში ქართველმა ძიუდოისტმა ახალგაზრდებს შორის მსოფლიოს ჩემპიონატი ზედიზედ მეორედ მოიგო. ამჟამად მან ფინალში უნგრელი როლანდ გოზი დაამარცხა.

წყარო: https://www.facebook.com/

ვლადიმერ ახალკაცი მსოფლიო ჩემპიონი გახდა.

ძიუდოს ფედერაციის ინფორმაციით, მაროკოში მიმდინარე მსოფლიო ჩემპიონატზე ახალგაზრდებს შორის -81კგ წონითი კატეგორიის ფინალში ქართველმა ძიუდოისტმა რუსეთის წარმომადგენელი დაამარცხა.

წყარო: https://www.facebook.com/

სალომე ჯაშის დოკუმენტური ფილმის პროექტმა “ევრიმაჟის” დაფინანსება მოიპოვა

სალომე ჯაშის დოკუმენტური ფილმის პროექტს სამუშაო სესიების მსვლელობისას ნინო კირთაძე იცავდა. საბოლოოდ პროექტმა საუკეთესო შეფასება (10-დან 10 ქულა) მიიღო და 50 000 ევროთი დაფინანსდა. პროექტების განხილვის გარდა სამუშაო სესია ითვალისწინებდა დისკუსიებს და კენჭისყრას “ევრიმაჟის” წესდებისა და სტრუქტურული ცვლილებების თაობაზე. 

2019 წლის ივლისიდან “ევრიმაჟში” საქართველოს წარმომადგენლის თანამდებობას ცნობილი ქართველი რეჟისორი, სცენარისტი და მსახიობი ნინო კირთაძე იკავებს.

ფოტო: https://www.facebook.com/

ვალიადოლიდის საერთაშორისო კინოფესტივალი საზეიმოდ გაიხსნა

ესპანეთის ყველაზე მნიშვნელოვან საავტორო კინოფესტივალზე წელს საქართველო საპატიო სტუმარი ქვეყნის სტატუსით არის წარმოდგენილი. ქართული რეტროსპექტივა გახსნის ცერემონიალზე რეჟისორმა ქეთი მაჭავარიანმა წარადგინა, რომელიც წელს ფესტივალის საერთაშორისო ჟიურის წევრია.

 ვალიადოლიდის კინოფესტივალზე ბოლო 20 წლის განმავლობაში შექმნილ 20-ზე მეტ ქართულ ფილმს აჩვენებენ, დაგეგმილია არაერთი საინტერესო ღონისძიება, მათ შორის საზეიმო მიღება, რომელიც საქართველოს მიეძღვნება.

ქართულ კინოს ვალიადოლიდის კინოფესტივალი ეროვნულ კინოცენტრთან თანამშრომლობით წარადგენს. 

ფეისბუქი ბნელ რეჟიმს ტესტავს.

ახალი ფეისბუქი უფრო მარტივი და ნაკლებად დატვირთულია, მასში ასევე წინაა წამოწეული ჯგუფების ფუნქცია, რაც საერთო ინტერესების მქონე ადამიანებს ერთმანეთთან დაკავშირებას გაუადვილებს.

წყარო: https://indianexpress.com/

ნასას ასტრონავტი ქალები – ჯესიკა მეიერი და ქრისტინა კოხი – ღია კოსმოსში გაემგზავრნენ.

ისტორიული ექსპედიცია 18 ოქტომბერს დაიწყო. ქალების პირველი ეკიპაჟი ღია კოსმოსში ელექტროენერგიის დაზიანებულ გამანაწილებელს სათადარიგოთი ჩაანაცვლებს და უკან დაბრუნდება.

წყარო: https://www.bbc.com/