თაკო ნაცვლიშვილი – ქართველი მოდელის 10 ამბავი ინსტაგრამიდან
თაკო ნაცვლიშვილი ერთ-ერთი წარმატებული ქართველი მოდელია, რომელმაც 16 წლის ასაკში პარიზში ვერსაჩეს, არმანის, ელი სააბის და დიორის ჩვენებებში მიიღო მონაწილეობა. 20 წლის თაკო ახლა მილანში ცხოვრობს, მოდის მარკეტინგს და კომუნიკაციას სწავლობს. ყველაზე დასამახსოვრებელ შოუდ საკუთარი კარიერიდან Dior by Raf Simons 2015 გაზაფხული/ზაფხულის Haute Couture-ს მიიჩნევს, სამომავლოდ კი Saint Laurent-თან თანამშრომლობას ისურვებდა.
თაკო ამბობს, რომ თავისუფალი დრო თითქმის არ რჩება და თუკი მაინც გამონახა, სიამოვნებით იყენებს ფოტოგრაფიისთვის.
“სხვადასხვა ქვეყანაში ფეხით სეირნობის დროს სულ აქეთ-იქით ვიყურები, მუდამ თვალებით ვეძებ საინტერესო შენობებს, ადამიანებს, Street Art-ს და ასე შემდეგ”, – გვითხრა მან.
ჩემი და არმანის თანამშრომლობა პირველად 5 წლის წინ შედგა. მაშინ სულ რაღაც 16 წლის ვიყავი და პირველად მივიღე მონაწილეობა პარიზის მაღალი მოდის კვირეულის კასთინგებზე, რამაც საკმაოდ წარმატებით ჩაიარა და ჩემი კარიერის “highlight” პერიოდი აღმოჩნდა. არმანიც პირველად მაშინ გავიცანი. პირველივე კასთინგზე ამირჩია და შოუზე დამამტკიცა. მას შემდეგ მათ 8 ჩვენებაში მივიღე მონაწილეობა.
მისმა არასტანდარტულმა და ფერადმა ჩაცმულობამ მიმიზიდა, ასევე ძალიან დიდი პოზიტივი მოდიოდა ამ ადამიანისგან და, რა თქმა უნდა, წარწერამ: when the power of love overcomes the love of power thw world will know peace, რასაც 100%-ით ვეთანხმები.
ეს არის ლონდონში, თანამედროვე ხელოვნების მუზეუმში, TATE Modern-ში, Roelof Louw-ის ფორთოხლის პირამიდა. ხშირად დავდივარ გამოფენებზე სხვადასხვა ქვეყნის მუზეუმებში. ზოგადად, ხელოვნება ძალიან მიტაცებს და ვთვლი, რომ ჩემი საქმიანობა, რასაც ვაკეთებ, პირდაპირ ხელოვნებასთან არის კავშირში. საყვარელი მუზეუმებია: NY- Whitney Museum, Paris – Pompidou, Milan Fondazione Prada, London – Tate, Vienna – Leopold Museum, საყვარელი არტისტები: Cindy Sherman, Olafur Elliasson, Mark Rothko, Kandinsky, Yves Klein
აქ მალტაზე ვარ დასასვენებლად.
ესეც მალტაზეა – ერთ-ერთი სასტუმროს Rooftop.
ეს არის ფრანგული ბრენდის, Pain de Sucres-ის კამპანიის ფარგლებში გადაღებული ერთ-ერთი ფოტო. საცურაო კოსტიუმების ბრენდია.
ეს ვიდეო ფრანგული ბრენდის, Pain de Sucres-ის კამპანიის ნაწილია. ამ ბრენდისთვის მუშაობს ერთ-ერთი ყველაზე წარმატებული ფრანგი ფოტოგრაფი David Bellemere. ესეც მისი გადაღებულია.
ინსტაგრამზე “დამთაგა” ერთმა გვერდმა, memakingart-მა, მომეწონა ნამუშევარი და მეც გავაზიარე.
მოდის გარდა ფოტოგრაფიით ვარ დაინტერესებული – მიყვარს ფოტოების გადაღება. ახლა მილანში ვსწავლობ, მოდის მარკეტინგსა და კომუნიკაციაში გავდივარ ბაკალავრის კურსს. ჩემი გადატვირთული გრაფიკის გამო იშვიათად მაქვს თავისუფალი დრო და შაბათობით მეგობრებთან ერთად ბარში მივდივარ განტვირთვისთვის.
წელიწადში რამდენიმეჯერ მიწევს პარიზში წასვლა და ყოველთვის იგივე ემოციებით ვივსები, როგორც ეს წლების წინ განვიცადე, როცა პირველად პარიზის ქუჩებში მივაბიჯებდი. ეს დიდი ხნის წინ იყო და მას მერე ჩემს ცხოვრებაში ბევრი რამ შეიცვალა.