25 ნოემბერი დილიდან
ზაზა ხალვაში ახალ სრულმეტრაჟიან მხატვრულ ფილმზე – “წვიმა ორ ნაპირზე” მუშაობს
რეჟისორი ზაზა ხალვაში მუშაობს ახალ სრულმეტრაჟიან მხატვრულ ფილმზე სახელწოდებით "წვიმა ორ ნაპირზე".ფილმი საქართველოსა და ლიეტუვის კოპროდუქციაა.იხილეთ ფოტოები გადასაღები მოედნიდან.#მალე #წვიმაორნაპირზე
Gepostet von GNFC – Georgian National Film Center am Donnerstag, 21. November 2019
ფილმი საქართველოსა და ლიეტუვის კოპროდუქციაა. ზაზა ხალვაშის ახალი ფილმის ოპერატორი, ისევე როგორც “ნამესი”, გიორგი შველიძეა. ფილმის სხვა დეტალები უცნობია. იხილეთ ფოტოები გადასაღები მოედნიდან.
მსახიობი მერაბ ნინიძე კიდევ ერთ ამერიკულ სერიალში – Treadstone-ში გადაიღეს
სერია მისი მონაწილეობით ეთერში ხვალ გავა. საკაბელო არხი USA Network სერიალის პირველი სეზონის მეშვიდე სერიის ანონსს ინტერნეტში ავრცელებს.
სერიალის სიუჟეტის თანახმად, ცენტრალური სადაზვერვო სააგენტოს მიზანი აგენტების შესაძლებლობების ხელოვნური მოდიფიკაციაა. ასეთი რამდენიმე აგენტი კი მსოფლიოს სხვადასხვა წერტილში ასრულებს დავალებას.
ვიდეო: https://www.youtube.com/
ნონა გაფრინდაშვილმა ვეტერანთა შორის მსოფლიო ჩემპიონის ტიტული მეშვიდედ მოიპოვა
რუმინეთის დედაქალაქი ბუქარესტი ვეტერან მოჭადრაკეთა მსოფლიო ჩემპიონატს მასპინძლობდა. ნონა გაფრინდაშვილმა 65 წელს ზევით მოჭადრაკე ქალთა შორის ბრწყინვალედ იასპარეზა და 8.5 ქულით მსოფლიო ჩემპიონის ტიტულს დაეუფლა. ნონა გაფრინდაშვილი ყველაზე ტიტულოვანი ქართველი მოჭადრაკეა. ხუთგზის მსოფლიო ჩემპიონმა ვეტერანთა შორის მსოფლიო ჩემპიონის ტიტული უკვე მეშვიდედ მოიპოვა.
თბილისის ახალ ზოოპარკში ჟირაფები ეყოლებათ
📢 კარგი ამბავი გვაქვს!ახალ ზოოპარკს რომ ვაშენებთ, კი იცით ისედაც. 🇧🇶 ჰოდა, ორიოდ დღის წინ ზოოპარკების ცნობილი…
Gepostet von თბილისის ზოოპარკი • Tbilisi Zoo am Donnerstag, 21. November 2019
თბილისის ახალი ზოოპარკის ერთ-ერთ ვოლიერში ჰიპოპოტამთან, მარტორქასთან, ზებრებთან, სხვადასხვა სახეობის ანტილოპებთან ერთად, ჟირაფებიც დაიდებენ ბინას. ზოოპარკის ცნობით, მათი ახალი საცხოვრებელი, მხოლოდ ერთი ვოლიერი, 10 ჰექტარზე იქნება გადაჭიმული, რაც ძველი ზოოპარკის საერთო ფართობზე ორჯერ მეტია.
წყარო: https://www.facebook.com/
Tesla-ს აღმასრულებელმა დირექტორმა ილონ მასკმა ელექტრომობილის უახლესი მოდელი წარადგინა
ეს გახლავთ პირველი კიბერმანქანა, რომელიც აღჭურვილია ბრონირებული მინით და ერთი დამუხტვით 500 მილის დაფარვა შეუძლია. მასკის განცხადებით, პიკაპის ფასი 39 990 აშშ დოლარიდან იწყება. როგორც მასკმა აღნიშნა, მათ კიბერპიკაპი ზუსტად იგივე უჟანგავი მეტალით დაამზადეს, რომელსაც საჰაერო ხომალდების წარმოებაში იყენებენ. კიბერპიკაპი ბაზარზე სამი მოდელით იქნება წარმოდგენილი.
წყარო: https://www.businessinsider.com
თრეილერი: ამაზონის ახალ სერიალში ალ პაჩინო თამაშობს.
სერიალის სიუჟეტი 1977 წლის ნიუ-იორკში ვითარდება, სადაც სპეციალური გუნდი იმ მაღალჩინოსნების გამოაშკარავებაზე იწყებს მუშაობას, რომლებიც სინამდვილეში ფაშისტები არიან და ამერიკაში მეოთხე რაიხის შექმნას გეგმავენ. სერიალის პრემიერა 2020 წელსაა დაგეგმილი.
წყარო: https://www.youtube.com/
Victoria’s Secret ყოველწლიურ მასშტაბურ შოუს აუქმებს
ბრენდმა შოუების გაკეთება 1995 წლიდან დაიწყო. წინა წლის შოუს ისტორიაში ყველაზე დაბალი რეიტინგი ჰქონდა. მას ტელევიზიით მხოლოდ 3,3 მილიონმა ადამიანმა უყურა. გარდა ამისა, კრიტიკოსებმა მას სექსისტური, მოძველებული და ერთფეროვანი უწოდეს. ბრენდის მფლობელი კომპანია L Brands აცხადებს, რომ მარკეტინგულ სტრატეგიას გადახედავს და სამომავლოდ ბევრ სიახლეს შემოგვთავაზებს.
წყარო: https://www.bbc.com/