23 დეკემბერი დილიდან
ბეთლემის ნაიარევი – ბენკსიმ ახალი ნამუშევარი წარადგინა
ნამუშევარი საშობაო სცენას წარმოადგენს. მასზე ღვთისმშობელი, იოსები და ახალშობილი იესო არიან გამოსახული. მაგრამ ბეთლემის ვარსკვლავის ნაცვლად, რომელიც სახარების თანახმად იესოს დაბადების სიმბოლო იყო, კედელზე ჭურვისგან დატოვებული კვალია გამოსახული.
ნახეთ: არეტა ფრანკლინის შესახებ გადაღებული ფილმის პირველი თრეილერი.
ფილმში მთავარ როლს ჯენიფერ ჰადსონი ასრულებს. კინოსურათი თავიდან ბოლომდე მიჰყვება ლეგენდარული არტისტის შემოქმედებით ცხოვრებას. Respect ეკრანებზე 2020 წლის ოქტომბერში გამოვა.
დღის კლიპი: All I Want for Christmas Is You-ს გამოსვლიდან 25 წლის შემდეგ, მერაია ქერიმ სიმღერაზე ახალი კლიპი გადაიღო.
პრინცი ჰარი სანტა კლაუსის ფორმაში გამოეწყო და დაღუპული ბრიტანელი ჯარისკაცების შვილებს საშობაო ვიდეოთი მიმართა
“მინდა გაგამხნეოთ, რომ მიმოიხედოთ გარშემო და გაიაზროთ, თქვენ ოჯახის ნაწილი ხართ. რამდენიმე თქვენგანს გასულ წელს შევხვდი და ვიცი, როგორი ძლიერებიც ხართ. დიახ, მშობლის დაკარგვა წარმოუდგენლად რთულია, მაგრამ ვიცი, თითოეულ თქვენგანს ერთმანეთის დახმარებით გასაოცარი მომავალი და ფანტასტიკური შობა გექნებათ. თქვენს მშობლებს არასდროს დაივიწყებენ, თქვენ არასდროს დაგივიწყებენ”, – ამბობს ვიდეოში პრინცი ჰარი.
“ქალი ფანჯარაში” – ნახეთ ახალი თრილერი ემი ადამსის, ჯულიანა მურისა და გარი ოლდმანის მონაწილეობით
“ქალი ფანჯარაში” ეი ჯეი ფინის ამავე სახელწოდების რომანზეა დაფუძნებული. სიუჟეტის მთავარი ფიგურა ბავშვთა ფსიქოლოგი ენ ფოქსია, რომელიც სივრცის შიშით, აგორაფობიით იტანჯება. უკვე თვეებია, რაც ის სახლიდან არ გასულა და წამლებსა და ალკოჰოლს სვამს. ერთ დღეს ფოქსი მის მეზობლად მომხდარ საზარელ დანაშაულს შეესწრება, თუმცა მისი არავის სჯერა – არც მეზობლებს, არც ოჯახსა და არც პოლიციას, სწორედ ამიტომ მთავარ მიზნად ამ დანაშაულის გამოძიებას დაისახავს. პრემიერა 2020 წლის 15 მაისს არის დაგეგმილი.