14 იანვარი დილიდან
ჟაუტიკოვის ოლიმპიადაზე კომაროველმა მოსწავლემ თეიმურაზ თოლორაიამ უმაღლესი ქულა მიიღო
დასრულდა დაჯილდოების ცერემონიალი ჟაუტიკოვის ოლიმპიადაზე, რომელიც უხვმოსავლიანი აღმოჩნდა კომაროველი მოსწავლეებისათვის. 14…
Gepostet von Zaza Gamezardashvili am Montag, 13. Januar 2020
გუშინ დასრულდა მათემატიკის ნაშრომების შეფასება ჟაუტიკოვის ოლიმპიადაზე. დაფიქსირდა ორი აბსოლუტური შედეგი (42 ქულა 42 შესაძლებლიდან 266 მონაწილეს შორის) და ერთი შედეგი ამ ორიდან ეკუთვნის კომაროველ მოსწავლეს, თეიმურაზ თოლორაიას.
შარშან ამავე ოლიმპიადაზე აბსოლუტური შედეგი ინფორმატიკაში დააფიქსირა ნიკოლოზ ბირკაძემ, რომელმაც წელს უკვე მათემატიკაშიც აიღო ოქრო და გახდა პირველი მოსწავლე, რომელმაც ჟაუტიკოვის ოლიმპიადაზე ორ სხვადასხვა საგანში აიღო ოქროს მედალი. ინფორმაციას ამის შესახებ საკუთარ ფეისბუქზე თავისუფალი უნივერსიტეტის ლექტორი ზაზა გამეზარდაშვილი ავრცელებს.
ნიკა აგლაძის დასახმარებლად აუქციონი და გამოფენა-გაყიდვა გაიმართება
ნიკა აგლაძეს, ინტელექტკლუბის გამორჩეულ მოაზროვნეს, ისტორიკოსსა და ლიტერატორს აღმოაჩნდა თავის ტვინის კავერნომა. ნიკას უკვე ჩაუტარდა ერთი ოპერაცია თურქეთში, რომელიც სამწუხაროდ, წარუმატებელი აღმოჩნდა. მისი ჯანმრთელობის მდგომარეობის გაუარესების გამო, 22 იანვარს დაინიშნა გადაუდებელი ოპერაცია, რომლის ღირებულებაც 70 ათასი ევროა.
18 იანვარს მწერალთა სახლში გაიმართება აუქციონი და გამოფენა-გაყიდვა ნიკას მხარდასაჭერად, სადაც მონაწილეობას მიიღებენ მწერლები, მხატვრები, გამომცემლები, მუზეუმები, საერთაშორისო და ადგილობრივი ორგანიზაციები, სტარტაპერები.
გამოფენა-გაყიდვა დაიწყება 15:00 საათზე, სადაც შეგიძლიათ შეიძინოთ ცნობილი ქართველი მწერლების მემორიალური ნივთები და ხელნაწერები, თანამედროვე ქართული და თარგმნილი ლიტერატურა, ხელნაკეთი ნივთები, ფოტოები, სუვენირები. აუქციონი 16:30 საათზე დაიწყება.
შეგახსენებთ, რომ აუქციონსა და გამოფენა-გაყიდვაში მონაწილეობის მიღება ნებისმიერ მსურველს შეუძლია!
სურვილის შემთხვევაში, თანხა შეგიძლიათ გადარიცხოთ შემდეგ ანგარიშებზე:
TBC: GE77TB7446645063600040 – ნიკოლოზ აგლაძე
BOG: GE14BG0000000131316927 – ნინა აგლაძე
დანიშნულებაში მიუთითეთ „ნიკასთვის“
TBC: GE77TB7446645063600040 – ნიკოლოზ აგლაძე
BOG: GE14BG0000000131316927 – ნინა აგლაძე
დანიშნულებაში მიუთითეთ „ნიკასთვის“
ჰაცუ ბაშოს მიმდინარე ტურნირზე ტოჩინოშინმა პირველი გამარჯვება მოიპოვა
ლევან გორგაძემ ონოშოს ოშიდაშის ილეთით მოუგო და მის ანგარიშზე ორი შეხვედრის შემდეგ ერთი მოგება და ერთი წაგებაა. ტურნირის მესამე დღეს, 14 იანვარს, გორგაძე დასავლეთის მე-8 მაეგაშირა რიუდენს შეხვდება, რომელთანაც აქამდე გამართული სამი ბრძოლიდან ორი მოიგო და ერთში დამარცხდა.
წყარო: https://i.ytimg.com
HBO-ს პოპულარული სერიალის – Westworld-ის მესამე სეზონის პრემიერა 2020 წლის 15 მარტს გაიმართება
სერიალის ავტორები თიზერში 2019 წელს მომხდარ რამდენიმე ისტორიულ მოვლენას ახსენებენ. მათ შორისაა ჰონგ-კონგში მასობრივი საპროტესტო გამოსვლები და დონალდ ტრამპის იმპიჩმენტის პროცედურა.
თიზერში ასევე ნაჩვენებია მოვლენები, რომლებიც შესაძლოა მომავალში მოხდეს. მაგალითად, 2024 წლის სექტემბერში აშშ-ის პრეზიდენტის მკვლელობა, 2037 წლის თებერვალში რუსეთში სამოქალაქო ომის დაწყება, ეკოლოგიური კატასტროფების სერია. ავტორების ჩანაფიქრით, ეს ყველაფერი დედამიწას გარკვეულ კრიტიკულ მოვლენამდე მიიყვანს, რომელიც უცნობ ადგილას 2058 წელს მოხდება.
წყარო: https://www.youtube.com/
CBS “კრავთა დუმილის” სიქველს გადაიღებს
პროდიუსერებმა სერიალის გადაღება გადაწყვიტეს, რომლის მთავარი გმირიც კლარის სტარლინგი იქნება. სწორედ ეს პერსონაჟი განასახიერა ცნობილ ფილმში ჯოდი ფოსტერმა. მოვლენები 1993 წელს, “კრავთა დუმილში” მომხდარი ამბებიდან ერთი წლის შემდეგ განვითარდება.
წყარო: https://variety.com
ნახეთ: 13 წლის ანჯელინა ჯორდანი ამერიკულ ნიჭიერში Bohemian Rhapsody-ის ასრულებს.
წყარო: https://www.youtube.com/
დედოფალი ელიზაბეტ მეორე მეგან მარკლისა და პრინც ჰარის გადაწყვეტილებას სამეფო სტატუსის დატოვების შესახებ მხარს უჭერს
დედოფალი ეთანხმება ცვლილების იმ პერიოდს, რომელსაც მეგანი და ჰარი კანადასა და დიდ ბრიტანეთში გაატარებენ. ის მხარს უჭერს მათ სურვილს, ჰქონდეთ ახალი, დამოუკიდებელი როლი, თუმცა ისურვებდა, რომ მათ სრული განაკვეთით სამეფო ოჯახის წევრებად ემუშავათ. ელიზაბეტ მეორის სიტყვებით, ჰარი და მეგანი სამეფო ოჯახის ღირებულ წევრებად რჩებიან, მისი საბოლოო გადაწყვეტილება კი რამდენიმე დღეში გამოცხადდება.
წყარო: https://www.bbc.com