31 იანვარი დილიდან
ნასამ ისტორიაში პირველად მზის ზედაპირის ყველაზე დეტალური ფოტოები გადაიღო
ფოტოებზე პირველად გამოჩნდა 30 კილომეტრამდე ზომის ობიექტები. მზის ნაციონალური ლაბორატორიის მიერ გამოქვეყნებულ ფილმში ნაჩვენებია ნივთიერებათა მოძრაობა მზის კონვექციურ უჯრედებში. მისი დახმარებით სპეციალისტები მნათობის ზედაპირისა და მისი ატმოსფერული მაგნიტური ველებისა რუკას შექმნიან.
წყარო: https://www.bbc.com/
ტალიაში მიმდინარე მსოფლიოს თასის ტურნირზე საქართველოს ეროვნული ნაკრების ძალოსანმა ანტონ პლესნოიმ ოქროს სამი მედალი მოიპოვა
წარმოშობით უკრაინელმა სპორტსმენმა, რომელიც საქართველოს სახელით ასპარეზობს, სამივე დისციპლინაში საუკეთესო შედეგი დააფიქსირა. პლესნოიმ აკვრაში 176, ატაცში კი 210 კილოგრამი დასძლია და ორჭიდის ჯამში 386 კილოგრამი დააფიქსირა. რომში მიმდინარე მსოფლიოს თასზე ხვალ კიდევ ერთი ქართველი ძალოსანი, ოლიმპიური, ევროპისა და მსოფლიოს ჩემპიონი ლაშა ტალახაძე გამოვა.
Kayakata-ს ალბომი Impala-ს წლის ალბომის დაჯილდოების ნომინანტია
პოპულარული ქართული ჰიპ-ჰოპ კოლექტივის, KayaKata-ს სადებიუტო ალბომი Sadaa დამოუკიდებელი მუსიკალური კომპანიების ასოციაცია Impala-მ წლის საუკეთესო ევროპული დამოუკიდებელი ალბომის ნომინაციაზე წარადგინა. “კაიაკატასთან” ერთად ჯილდოსთვის კიდევ 21 არტისტი იბრძოლებს, მათ შორის: Apparat, Little Simz და Trentemøller.
ვაშინგტონში ნანა ჯორჯაძის “ღვინის ნულოვანი მერიდიანი” აჩვენეს
Gepostet von Embassy of Georgia to the United States am Mittwoch, 29. Januar 2020
ეროვნულ კინოცენტრთან თანამშრომლობით, საქართველოს საელჩო ამერიკის შეერთებულ შტატებში განაგრძობს ქართული კინოს სერიების მოწყობას. რამდენიმე საათის წინ ვაშინგტონში ნანა ჯორჯაძის დოკუმენტური ფილმის – “ღვინის ნულოვანი მერიდიანის” ჩვენება გაიმართა.
წყარო: https://www.facebook.com/
ოსკარის 92-ე დაჯილდოებაზე პოპულარული ამერიკელი მუსიკოსი ბილი აილიში იმღერებს
Are you ready? @billieeilish will take to the #Oscars stage for a special performance! Watch live on @ABC. pic.twitter.com/CsNmjDD2Bi
— The Academy (@TheAcademy) January 29, 2020
ამის შესახებ ინფორმაციას კინოაკადემია ტვიტერზე ავრცელებს. ცერემონია 9 თებერვალს გაიმართება. არტისტი ახლახან გრემის დაჯილდოების ისტორიაში ყველაზე ახალგაზრდა ნომინანტი გახდა, რომელმაც ოთხ ძირითად კატეგორიაში: წლის ალბომი, წლის სიმღერა, წლის ჩანაწერი და წლის ახალბედა არტისტი გაიმარჯვა. მან კიდევ ერთი გრემი საუკეთესო ვოკალური პოპ ალბომის კატეგორიაში მიიღო.