მსოფლიო ფოტოკონკურსები პროფესიონალებისა და მოყვარულებისათვის
ფოტოკონკურსები პროფესიონალებისა და მოყვარულებისათვის
Lens Culture Portrait Awards
მონაწილეობა: 18 წელს გადაცილებული ყველა მსურველი
ნამუშევრების მიღება: 2020 წლის 19 თებერვლამდე
მონაწილეობის გადასახადი: 20-60$ (ნამუშევრების რაოდენობის მიხედვით)
ჯილდო: 6 პრიზი 15 000$-ის ოდენობით, ნიუ-იორკის გამოფენაში მონაწილეობა
ონლაინ-გამოცემა LensCulture ფოტოგრაფ-პორტრეტისტების კონკურსს ყოველწლიურად ატარებს. გამარჯვებულებს ავლენს ჟიურის 8 წევრი, რომელთა შორისაა The Sunday Times Magazine-ის ფოტორედაქტორი რასს ო’კონელი, Wired-ის მთავარი ფოტორედაქტორი სამანტა კუპერი და LensCulture-ის გამომცემელი ჯიმ კასპერი. გაიგე მეტი.
Jakarta International Photo Festival
მონაწილეობა: 18 წელს გადაცილებული ყველა მსურველი
ნამუშევრების მიღება: 2020 წლის 29 თებერვლამდე
მონაწილეობის გადასახადი: უფასო
ჯილდო: ფოტოფესტივალში მონაწილეობა
ღია კონკურსის თემაა „სივრცეები“. მონაწილეობის მსურველმა უნდა გააგზავნოს 50-მდე ნამუშევარი. გამარჯვებული ნამუშევრები გამოიფინება ჯაკარტის საერთაშორისო ფოტოფესტივალზე, რომელიც გაიმართება 26 ივნისიდან – 12 ივლისის ჩათვლით. გაიგე მეტი.
Odessa Photo Days
ნამუშევრების მიღება: 2020 წლის 1 მარტამდე
მონაწილეობის გადასახადი: €15
ჯილდო: მონაწილეობა ფოტოფესტივალში Odessa Photo Days
კონკურსის თემაა „Who Is Next To You“. მონაწილეებმა ნამუშევრები უნდა გააგზავნონ PDF ფორმატში. გაიგე მეტი.
D&AD Awards: Next
ნამუშევრების მიღება: 2020 წლის 11 მარტამდე
მონაწილეობის გადასახადი: £50
ჯილდო: D&AD-ის პრიზი, გამგზავრება ლონდონში და მონაწილეობა ერთკვირიან ფოტოგამოფენაში
D&AD Awards: Next – დამწყები ფოტოგრაფებისათვის განკუთვნილი კონკურსია, რომელსაც კომპანია Design and Art Direction ატარებს. მონაწილეობის მიღება შუეძლიათ პირებს, რომლებიც პროფესიონალურ ფოტოგრაფიაში ბოლო სამი წელია მუშაობენ. სტუდენტებისათვის გათვალისწინებულია დამოუკიდებელი კონკურსი D&AD New Blood Awards. ნამუშევრების თემატიკა თავისუფალია, ყოველ მონაწილეს შეუძლია გააგზავნოს 2 ნამუშევარი. გაიგე მეტი.
Foam Talent Call
ნამუშევრების მიღება: 2020 წლის 24 მარტამდე
მონაწილეობის გადასახადი: €35
ჯილდო: ნამუშევარი გამოქვეყნდება ჟურნალში Foam; მონაწილეობა საერთაშორისო საგამოფენო ტურნეში
ახალგაზრდა ნიჭიერი ფოტოგრაფების კონკურსს ფოტოგრაფიის საერთაშორისო ჟურნალი Foam ატარებს. მონაწილეობის მიღება შეუძლია ნებისმიერ მსურველს 18-15 წლამდე. ნამუშევრების თემატიკა თავისუფალია. გამარჯვებულებს ავლენს ჟურნალ Foam-ის რედაქცია. გაიგე მეტი.
13th iPhone Photography Awards
ნამუშევრების მიღება: 2020 წლის 31 მარტამდე
მონაწილეობის გადასახადი: ერთი ნამუშევარი – $3,5; 25 ნამუშევარი – $65,5-მდე
ჯილდო: გრანპრის მფლობელი – iPad Air, 3 მთავარი გამარჯვებული მიიღებს Apple Watch Series 3, 18 თემატურ კატეგორიაში გამარჯვებულებს კი გადაეცემათ ოქროს ზოდი, II da III ადგილის მფლობელებს – პლატინის ზოდი.
iPhone Photography Awards (IPPA) – ერთ-ერთი ყველაზე ცნობილი კონკურსია აიფონის მომხმარებლებისათვის, რომელსაც მობილური ფოტოგრაფიის „ოსკარებსაც“ ეძახიან.
კონკურსის მთავარი მოთხოვნის მიხედვით, ნამუშევრები გადაღებული უნდა იყოს მხოლოდ iPhone-ის მოწყობილობებით (ტელეფონები, პლანშეტები). ამასთანავე საკონკურსო ფოტოები არ უნდა იყოს განთავსებული ინტერნეტში, მონაწილის სოციალურ ქსელებში. გამოსახულების დამუშავება კი დასაშვებია მხოლოდ iOS აპლიკაციებით.
კონკურსი 18 თემატურ კატეგორიას ითვალისწინებს: აბსტრაქცია, ცხოველები, არქიტექტურა, ბავშვები, პეიზაჟი, ცხოვრების სტილი, ბუნება, ახალი ამბები და მოვლენები, პანორამა, ადამიანები, პორტრეტი, ფოტოსერია, ნატურმორტი, დაისი, მოგზაურობა, ხეები და კატეგორია „სხვა“. გაიგე მეტი.