მერაბ ნინიძე ნეტფლიქსის ახალ სერიალში თამაშობს

ქართველი მსახიობი მერაბ ნინიძე Homeland-ის ფინალური სეზონის გარდა კიდევ ერთ სერიალში გამოჩნდება. მსახიობი მონაწილეობას იღებს ნეტფლიქსის ახალ სერიალში Freud, რომლის პრემიერაც ბერლინის საერთაშორისო კინოფესტივალზე უკვე შედგა.

სერიალის სიუჟეტი ავსტრიელი ფსიქოლოგისა და ფსიქოანალიზის ფუძემდებლის ზიგმუნდ ფროიდის ცხოვრების შესახებ მოგვითხრობს. შოუს შემქმნელი რეჟისორი მარვინ კრენია, მთავარ როლს კი ცნობილი ავსტრიელი მსახიობი რობერტ ფინსტერი ასრულებს.

რაც შეეხება ნინიძის პერსონაჟს, ქართველი მსახიობი ნეტფლიქსის სერიალში ფროიდის მასწავლებლის იოზეფ ბროიერის როლს თამაშობს.

ამ ეტაპზე ცნობილია, რომ შოუს პირველ სეზონში სულ 8 ეპიზოდი იქნება.