კორონავირუსის კარანტინმა იტალიაში წყლისა და ჰაერის დაბინძურების დონე რადიკალურად შეამცირა
კორონავირუსის შემთხვევების ზრდამ მთელი ქვეყანა შეაჩერა. Live Tracking Dashboard-ის თანახმად, დღეისათვის იტალიაში 27 980 დადასტურებული შემთხვევაა – 2158 ადამიანი გარდაიცვალა, ხოლო 2749 კი გამოჯანმრთელდა.
ადამიანები ვირუსის გავრცელების ასარიდებლად სახლებში ჩაიკეტნენ, ბევრი მათგანი კი ყოველ წუთს ბიზნესს კარგავს. გარშემო პანიკა და დაძაბულობაა. მიუხედავად ამისა, არსებობს კარგი ამბებიც, რაც იმედის სხივად გვევლინება ამ რთულ სიტუაციაში.
ერთ-ერთ ყველაზე პოპულარულ ტურისტულ ქალაქს – ვენეციას – წლის განმავლობაში უამრავი ვიზიტორი სტუმრობს. თუმცა, მას შემდეგ, რაც ქვეყანა ჩაიკეტა, ქუჩები დაცარიელდა და ქალაქის არხებზე, სადაც ხალხი ხშირად გონდოლათი გადაადგილდებოდა, ნავების საცობი შემცირდა.
Boars in the middle of my hometown, dolphins in the port of Cagliari, ducks in the fountains in Rome, Venice canals have now clean water full of fishes. Air pollution dropped. Nature is reclaiming its spaces during quarantine in Italy. #COVID19 #COVIDー19 pic.twitter.com/dr6QILfF9V
— Francesco Delrio (@Cosodelirante) March 15, 2020
გასაკვირია, რომ ჩაკეტვამ ხელი შეუწყო ქალაქის არხების გაწმენდას. CNN-ის ცნობით, ადგილობრივებმა შეამჩნიეს, უზარმაზარი სხვაობა – როგორ დაიწმინდა წყალი და გასუფთავდა ჰაერი.
ვენეციის მერის სპიკერმა განაცხადა: ”წყალი ახლა უფრო სუფთაა, რადგან არხებზე ნაკლები საცობია და ნალექი ძირში რჩება”. მისი თქმით, ნავების გადაადგილებას, ე.წ. საცობს, ნალექი წყლის ზედაპირზე ამოაქვს.
La bellezza salverà il mondo in una Burano deserta i cigni si riappropriano dei canali….
Gepostet von Marco Contessa am Montag, 9. März 2020
წყალი ისე დაიწმინდა, რომ თევზები გამოჩნდნენ და გედები და დელფინებიც კი დაბრუნდნენ. ტვიტერის მომხმარებლებმა აღნიშნეს, რომ იტალიაში წყლის ხარისხის გაუმჯობესებამ კალიარის პორტში დელფინების, ხოლო რომის ფანტანებში იხვების გამოჩენა განაპირობა. ვენეციურ არხებში თევზების ქარავანსაც კი იხილავთ.
La natura si riprende I suoi spazi #venice #life #fish #canal #clearwater #nature #urbanwildlife #resilience pic.twitter.com/jsPDW3I7Lx
— Venezia Pulita / Clean Venice (@VeneziaPulita) March 10, 2020
“ჰაერი ნაკლებად დაბინძურებულია, რადგან ქალაქის მცხოვრებთა მოძრაობის შეზღუდვის გამო ჩვეულებრივზე ცოტა ვაპორეტი (წყლის ავტობუსი) და ნავი მოძრაობს”, – აღნიშნა სპიკერმა.
იტალიაში ჰაერის დაბინძურების მნიშვნელოვან შემცირებას, კარანტინის გამო, სატელიტური სურათებიც აჩვენებს. ევროპის კოსმოსური სააგენტოს (ESA) მონაცემებით, აზოტის დიოქსიდის ემისია მნიშვნელოვნად შემცირდა.
მათ ასევე გამოაქვეყნეს აჩქარებული ვიდეო, რომელშიც გარემოში შესამჩნევი ცვლილებებია ასახული:
ინტერნეტსივრცეში განთავსდა გასუფთავებული იტალიის სურათები, ზოგიერთი ადამიანი კი ხაზს უსვამს იმ ფაქტს, რომ პირველ რიგში ჩვენ ვართ სამყაროს განადგურებაზე პასუხისმგებელნი.
მიუხედავად იმისა, რომ პანდემიამ მხოლოდ ცუდი ამბები მოიტანა მთელ მსოფლიოში, ჰაერის გასუფთავება მართლაც შვებაა. ამასთან, ეს ფაქტი ხაზს უსვამს იმას, თუ როგორ ხდის ადამიანთა არარსებობა სამყარო მშვენიერს.
Proves only one thing: humans are bad for this planet 😌
— Anupam Bordoloi (@asomputra) March 17, 2020
It's good to see nature recovering so fast from humans
— Money Printer MASCHINE (brrrrr) ⚙️📉 (@tuliparbitrage) March 17, 2020
ორიგინალი: https://www.storypick.com/