ნახეთ, როგორ ირთობენ ვარსკვლავები თავს თვითიზოლაციის დროს
კორონავირუსის გამო მთელი სამყარო ფაქტობრივად თვითიზოლაციაშია. მათ შორის არიან ნატალი პორტმანი და ნაომი უოტსიც. მსახიობებმა გადაწყვიტეს, თვითიზოლაციის პერიოდში ფანებისთვის მოწყენის საშუალება არ მიეცათ და კულინარიული დუელი მოაწყვეს. ნატალი პორტმანმა, რომელიც კულინარიაში სახელგანთქმულია, ჭარხლისა და კარტოფილის სალათა გააკეთა, ნაომი უოტსმა კი სუპი, რომელსაც სპეცსახელი – კარანტინის სუპი უწოდა. პორტმანის ვიდეოს ინსტაგრამზე უკვე 2 მილიონზე მეტი ნახვა აქვს.
იქიდან გამომდინარე, რომ გავრცელებული ინფორმაციით, კორონავირუსი ყველაზე სახიფათო 70 წელს გადაცილებული ადამიანებისთვის არის, მსახიობმა ენტონი ჰოპკინსმა თავის კატასთან, ნიბლოსთან ერთად, გადაწყვიტა დავერწმუნებინეთ, რომ თავს კარგად გრძნობს და ინსტაგრამზე ვიდეოც გამოაქვეყნა.
ქალმა საოცრებამ, გალ გადოტმა, რომელიც უკვე 6 დღეა კარანტინშია, თავის გასართობად თავის კოლეგებთან – კრისტენ ვიგთან, ჯეიმს დორნანთან, ნატალი პორტმანთან, უილ ფარელთან, ზოი კრავიცთან და სხვებთან ერთად ბითლზის “იმეჯინ” შეასრულა. ვიდეოს უკვე 3 მილიონზე მეტი ნახვა აქვს.
მსახიობმა მეთიუ მაკკონაჰმა ინსტაგრამზე COVID-19-თან დაკავშირებით ვიდეომიმართვა გაავრცელა. 50 წლის მსახიობი მსოფლიოს გაერთიანებისკენ მოუწოდებს.
“ასეთ გიჟურ პერიოდში, როდესაც ჩვენი საერთო მტერი კორონავირუსია, საკუთარ თავსა და ერთმანეთზე ზრუნვა ყველაზე მეტად გვჭირდება. მოდით, ლიმონისგან ლიმონათი გავაკეთოთ და ცხოვრება გავაგრძელოთ”, – ამბობს მსახიობი.
გართობისთვის საუკეთესო საშუალება გამონახა ტელეწამყვანმა ელენ დეჯენერესმაც, რომელმაც გადაწყვიტა, თვითიზოლაციის პერიოდში მეგობარ ვარსკვლავებთან დაერეკა და სხვადასხვა თემაზე ეჭორავა.