დღის ფოტო: ტიტები ექიმებს

მეყვავილე კაკო ჯეირანაშვილი თავისი ტიტებით უკვე ყველამ გაიცნო. მისი მცირე მეწარმეობის გადასარჩენად არაერთი ჯგუფი შეიქმნა და ათასობით ადამიანმა გამოთქვა დახმარების სურვილი. მათ შორის თინათინ რუხაძემ და ნინო ნიაურმა თანხის მობილიზების გარდა ყვავილების ჩამოტანასაც გაუკეთეს ორგანიზება.

დღეს ნინო ჩავიდა კახეთში და ექიმებს კაკო ბაბუასგან 500 ცალი ტიტა წამოუღო. პირველი ტიტები ინფექციური საავადმყოფოს სამედიცინო დირექტორს მარინა ეზუგბაიას მიართვეს.