კულინარიული ფოტორეცეპტები: ირუ ხუნდაძის სახლში დამზადებული Smashed Burger

At.ge-ს რუბრიკაში “კულინარიული ფოტორეცეპტები” წარმოგიდგენთ საუკეთესო რეცეპტებს იზოლაციიდან. Bon appetit!

დღეს გთავაზობთ ირუ ხუნდაძის სახლში დამზადებული Smashed Burger-ის რეცეპტს. მოცემული ინგრედიენტების გათვალისწინებით პორცია ორი ადამიანისთვისაა გათვლილი

პირველი ნაწილი, ინგრედიენტები

• ბურგერის პური 
• ამერიკული ან ყველი ჩედარის ფირფიტები
• მარილი და შავი პილპილი, წითელი ცხარე წიწაკა
• 1 კბილი ნიორი
• 1 თავი ხახვი
• კეტჩუპი
• მაიონეზი
• მდოგვი
• ძმარი
• ლაიმი
• საქონლის ხორცის ფარში 200გ
• სალათის ფურცლები
• პამიდორი 

მეორე ნაწილი –  ინგრედიენტების მომზადება და ბურგერის აწყობა

• დაჭერით პამიდორი და სალათის ფურცლები გრძელ ნაჭრებად 
• სოუსისთვის– წვრილად დაჭერით ხახვი და მოთუშეთ კარაქში
• შემდეგ აიღეთ 2 კოვზი კეტჩუპი და მაიონეზი, 1 კოვზი ძმარი, 1 კოვზი ლაიმის წვენი, 1 კოვზი მდოგვი, ნახევარი კბილი ნიორი, დაუმატეთ მოთუშული ხახვი და  ცხარე წიწაკა, შავი პილპილი და მარილი გემოვნების მიხედვით და კარგად აურიეთ.
• აწონეთ ფარში, რომ თითო ბურგერის ხორცი დაახლოებით 70გ იყოს და მოაყარეთ ზემოდან მარილი 
• გააცხელეთ ტაფა მაღალ ცეცხლზე
• დადეთ ბურგერისთვის მომზადებული ფარში ტაფაზე და რომ გაყავისფრდება ამოატრიალეთ და დაადეთ ყველის ფირფიტები, სანამ მეორე მხრიდანაც არ გაყავისფრდება

• გადმოიღეთ ხორცი და პურს ნაზად წაუსვით სოუსი

• ბურგერის პურის ქვედა მხარეს წაუსვით სოუსი, დადეთ ხორცი და ყველი, შემდეგ პამიდორი და სალათის ფურცლები, ბურგერის პურის ზედა ნაწილსაც წაუსვით სოუსი და დაახურეთ თავი

გემრიელად მიირთვით!