მიდიების რეცეპტი Home Cooking Adventure-ის შემქმნელის, ნინო ჩხიკვიშვილისგან

გთავაზობთ გამომცხვარი მიდიების რეცეპტს, ყველაზე პოპულარული კულინარიული ჯგუფის, Home cooking adventure-ს შემქმნელის, ნინო ჩხიკვიშვილისგან.

• დაგვჭირდება: ჩედარი, მწვანე ხახვი, ნიორი, ვორჩესტერის სოუსი, კარაქი, 700 გრ მიდიები. 

• განსხვავება ისაა, რომ ეს მიდიები, რომელიც მე გავაკეთე, არის greenshell-ის,  გახსნილი,  თან კარგი ხარისხის, თან ნახევრად მოხარშული. ამიტომ  აღარ სჭირდება მოხარშვა და პირდაპირ ღუმელში ვდებ.  მიდიებს, რომლებსაც დახურული ნიჟარა აქვთ, დასჭირდება მოხარშვაც.

• ვრეცხავთ მიდიებს ცივ წყალში და ვდებთ (ვაყოვნებთ). ვჭრით წვრილად ნიორს (6-7 კბილს)  და მწვანე ხახვს,  4-5 ძირს. 
• ამასობაში ვადნობთ კარაქს; რომ გადნება, დავუმატებთ ნიორს და ერთი წუთი ვშუშავთ გამდნარ კარაქში,  ცოტათი უნდა დაიბრაწოს. 
• ჯამში ვდებთ 250 გრ. კრემ-ყველს,  ვასხამთ ზემოდან კარაქს და ნიორს, ვურევთ კარგად, ვუმატებთ მწვანე ხახვს და ისევ ვურევთ. 

• ვუმატებთ ერთ სუფრის კოვზ ვორჩესტერის სოუსს, ისევ კარგად ვურევთ, რომ  ერთგვაროვანი მასა გახდეს.
• ფოლგას ვდებთ  ღუმლის ტაფაზე, ვაწყობთ მიდიებს და ვუსვამთ  სოუსს, ზემოდან ვაყრით ჩედარს.

• ღუმელს წინასწარ ვაცხელებთ 180 გრადუსზე და ვაცხობთ 20 წუთი.

გემრიელად მიირთვით!