დანიის დიზაინის ცენტრის კონკურსის გამარჯვებული პარკინგისა და სათამაშო მოედნის ჰიბრიდი გახდა
ავტორი: Katherine Guimapang
დანიის დიზაინის ცენტრი (DDC) და დანიის დიზაინის სავაჭრო ორგანიზაცია ყოველწლიურად ატარებენ კონკურსს, რომლის მიზანია ქვეყნის შიგნით “საუკეთესო დიზაინის” დათვალიერება და გამოვლენა. წელს გამარჯვებულები შეარჩიეს 15 კატეგორიაში მათი დიზაინის დასანერგად “ინდუსტრიაში , საზოგადოებასა და ყოველდღიურ ცხოვრებაში”.
საცხოვრებელი ქალაქების კატეგორიაში დიზაინის ჯილდო მიენიჭა კოპენჰაგენში დაფუძნებულ არქიტექტურულ კომპანიას, JAJA Architects-ს და მათ პროექტს – Parking House + Konditaget Lüders. პროექტი წარმოადგენს პარკინგ-ნაგებობისა და სათამაშო მოედნის ერთგვარ ჰიბრიდს.
კომპანიამ არქიტექტურასა და ქალაქგეგმარებაში არსებული გამოცდილება გამოიყენა, რათა ნორდჰავნის სამეზობლოში არსებული საპარკინგო ზონის სახურავი ახალ სპორტულ და სათამაშო ობიექტად ექცია. გუნდის განცხადებით, “პარკირების ზონის დამალვის ნაცვლად, ჩვენ შემოგთავაზეთ კონცეფცია, რომელიც მთლიან ფასადს ალამაზებს”.
ჟიურის კომენტარები: “ეს პირველი შემთხვევაა, როდესაც გაცოცხლებული ავტოსადგომი ვიხილეთ. სახურავი შენობაში ძალიან გონივრულადაა გამოყენებული, რამდენადაც აქ ხალხს სირბილისა და თამაშის შესაძლებლობა ეძლევა.
ამგვარი მაგალითით დანიას შეუძლია ამ სფეროში ლიდერი გახდეს. სხვა დიდ ქალაქებსაც მოუნდებათ სახურავების ასეთი დიზაინის გადაღება ანდა დანიური კომპანიების დაქირავება მსგავსი პროექტების შესამუშავებლად.
ყოფილა სახურავების დასასვენებლად გამოყენების გამოცდილება – მაგალითად, კერძო ჩოგბურთის კორტებისთვის და აუზებისთვის – მაგრამ არა საზოგადოებრივი სარგებლობისთვის, ამ გადაწყვეტილებას დემოკრატიული დატვირთვა აქვს”.
აქ კი ჩამოთვლილია კონკურსის სხვა კატეგორიების გამარჯვებულები:
- BETTER LEARNING – Lego Education Spike Prime
- BETTER WORK – Hegenberger Speculum
- FEEL GOOD, FURNITURE – Soft Lounge Chair
- FEEL GOOD, PRODUCT – MK1 – E
- GAME CHANGER – E-Ferry
- HEALTHY LIFE – Empelvic
- LIVEABLE CITIES – P-House and Fitness Roof Lüders
- MESSAGE SUPPORT – 360 VR Safari
- OUTSTANDING SERVICE – Differentiated Mediation Services
- SAVE RESOURCES – SolarSack
- ICON AWARD – Novo Nordisk Insulin Pens
- EMPLOYMENT GROWTH – Too Good To Go
- YOUNG TALENT – Julia Sand and Ditte Marie Fog
- VISIONARY CONCEPTS – Poosition
- PEOPLE’S CHOICE – 360 VR Safari
ორიგინალი: https://archinect.com/