პირველად ისტორიაში ფილმში მთავარ როლს რობოტი შეასრულებს
გააზიარე სტატია
მართალია COVID-19-ის გამო ჰოლივუდში გადაღებები ჯერ მხოლოდ რამდენიმე კვირაა, რაც განახლდა, თუმცა ახალ-ახალი იდეები უკვე აქვთ რეჟისორებსა და პროდიუსერებს. მაგალითად, სულ ცოტა ხნის წინ Hollywood Reporter-მა მსოფლიოს ამცნო, რომ პირველად ისტორიაში მხატვრულ ფილმში მთავარ როლს რობოტი შეასრულებს.
ფილმის სახელწოდება “B”, მისი ბიუჯეტი კი $70 მილიონია. რობოტი, რომელიც მალე ჰოლივუდის ახალი ვარსკვლავი გახდება, ერიკაა.
ფილმზე ის საპროდიუსერო კომპანია იმუშავებს, რომელსაც უკვე შექმნილი აქვს ისეთი კინოსურათები, როგორებიცაა Loving Vincent და To the Bone.
“B”-ს სიუჟეტი მეცნიერზეა, რომელიც ადამიანის დნმ-ის სრულყოფას ცდილობს. პროცესში მეცნიერი იმ პროგრამებთან დაკავშირებულ საფრთხეებს აღმოაჩენს, რომელიც ადამიანის დნმ-ის სრულყოფისას გამოიკვეთა.