დევიდ ლინჩმა Youtube-ზე მოკლემეტრაჟიანი ფილმი ატვირთა – iD
ავტორი: დუგლას გრინვუდი
პანდემიამ ამერიკელ კინორეჟისორს, დევიდ ლინჩს უბიძგა, რომ მისი ზოგიერთი ნამუშევარი გაასაჯაროოს. მან სულ ახლახან YouTube-ზე ატვირთა ახალი მოკლემეტრაჟიანი DIY ფილმი, სახელწოდებით The 3Rs.
ფილმი თავდაპირველად ტრეილერი უნდა ყოფილიყო 2011 წლის ვენის კინოფესტივალისთვის. ის მთლიანად შავ-თეთრ ფერებშია გადაღებული და მისი მთავარი გმირია ზრდასრული ჯენტლმენი, სახელად პიტი. მოკლემეტრაჟიან ფილმში მას ხელებში ქვები უჭირავს, ქალი პერსონაჟი კი ამბობს: “რამდენი ქვა აქვს პიტს?” ორი ქალი სავარაუდო რაოდენობას დაფაზე წერს, ფონად კი ბუზების ხმა ისმის. იხვის სათამაშოს ვიღაც ყელს გამოსჭრის, პიტი კი მიწაზე ჩაქუჩს ურტყამს – მაყურებელს არც ისე სასიამოვნო გრძნობა ეუფლება, მაგრამ ეს ნამდვილად დევიდ ლინჩის სტილია.
შესაძლოა ამგვარი DIY ვიდეოები რეჟისორის ბუნებრივი პასუხია, რადგან მას კარანტინში უფრო ფართომასშტაბიანი ფილმების გადაღება არ შეუძლია.
ორიგინალი: https://i-d.vice.com/