“ჯიგარი” სპარსული ტერმინია, რომელიც ირანში უკიდურეს სიყვარულს გამოხატავს

ავტორი: Pontia


ამას წინათ YouTube-ზე მოკლემეტრაჟიან ირანულ ფილმს წავაწყდი, რომელშიც მამამ თავის ქალიშვილს საუბარში jigar talâ (ოქროს ღვიძლი) უწოდა. რას იფიქრებდით, თუ მშობელი  “ოქროს ღვიძლს” დაგიძახებდათ? ან თუ თქვენი ირანელი შეყვარებული გეტყოდათ, რომ თქვენს ღვიძლს სიამოვნებით შეჭამდა? ჰანიბალ ლექტერი ხომ არ გაგახსენდათ? 

მაგრამ არ არის საჭირო პანიკა. “ჯიგარი” უფრო მეტია, ვიდრე უბრალოდ ხორცის ფაქიზი ნაჭერი, რომელსაც შამფურზე აგებულსა და გრილზე შემწვარს ადგილობრივ, “ჯიგარაკებად” წოდებულ სასადილოებში შემოგთავაზებენ. სინამდვილეში, როგორც სხეულის ერთ-ერთი სასიცოცხლო ორგანო, ღვიძლი სიყვარულის უკიდურესი ნიშანია.

გთავაზობთ  ირანში გავრცელებულ რამდენიმე ფრაზას:

جگر طلا

Jigar talâ (ოქროს ჯიგარი/ღვიძლი)
ეს  გამონათქვამი  აღნიშნავს, თქვენი აზრით,  რამდენად მშვენიერი, გასაოცარი და გულწრფელია ის ადამიანი, რომელსაც ამას ეუბნებით.  ამ შემთხვევაში ეს ნიშნავს:  მას ოქროს გულის ნაცვლად,  ოქროს ჯიგარი აქვს.

خیلی جگری

Kheyli jigari! (რა ჯიგარი ხარ!)
ეს ნიშნავს: რა კარგი ხარ! / რა საყვარელი ხარ!

جگرتو بخورم

Jigareto bokhoram! (შენ ჯიგარს/ღვიძლს შევჭამ!)
ვისაც ამას ეტყვით, ეს ადამიანი ისე გიყვართ, მზად ხართ გადასანსლოთ!

جگرتو برم

Jigareto beram ან  jigaret besham (ვიქნები შენი ჯიგარი/ღვიძლი)
ამის თქმა მაშინ შეგიძლიათ, როდესაც ადამიანი მთელი არსებით გიყვართ და მისთვის მოკვდებით კიდეც.  ამ გამოთქმას მშობლები შვილებთან ან შვილიშვილებთან ურთიერთობისას ხშირად იყენებენ.  (ზოგჯერ ამბობენ: elâhi jigaret besham man! / ღმერთო ჩემო, შენი ჯიგარი ვიქნები!)

دندان رو جگر بگذار

Dandoon roo jigar bezâr (კბილები ჯიგარს/ღვიძლს დააჭირე)
ბოლო იდიომა, რომელიც ჯიგარს მოიცავს, არ არის სიყვარულის გამომხატველი. ეს ნიშნავს რამე რთული, უსიამოვნო და ბევრჯერ გადადებული საქმის დაწყებისთვის მომზადებას.

ასე რომ, გახსოვდეთ, თუ ირანელი “ჯიგარს” (“ღვიძლს”) გიწოდებთ, ესე იგი სიყვარულს გამოხატავს. 

ორიგინალი: https://www.mypersiancorner.com/