22.680 ფუნტად გაყიდული ქართველი მხატვრის “ზღაპარი” – ნინიკო მორბედაძე

მხატვარ ნინიკო მორბედაძის „ზღაპარი” ლონდონის ფილიპსის მე-20 საუკუნის და თანამედროვე ხელოვნების დღის აუქციონზე 22,680 ფუნტ სტერლინგად გაიყიდა. ეს ნინიკო მორბედაძის მეორე ნამუშევარია, რომელიც საერთაშორისო აუქციონზე შეისყიდეს (2020 წლის ზაფხულში ნინიკოს ნამუშევარში სახელწოდებით „დროის მიღმა” 20,625 ფუნტ სტერლინგი გადაიხადეს).

აუქციონზე წარმოდგენილი იყო ჯორჯიო დე კირიკოს (Giorgio de Chirico), ოსკარ მურილიოს (Oscar Murillo) და დამიენ ჰირსტის (Damien Hirst) ნამუშევრებიც. ეს გამარჯვება დიდ როლს ითამაშებს, როგორც თანამედროვე ქართველი მხატვრის საერთაშორისო არტმარკეტზე ადგილის დამკვიდრებაში, ისე ქართული თანამედროვე ხელოვნების პოპულარიზაციაშიც.