ლამაზი გოლის ელეგანტური აღნიშვნები – არასრული ჩამონათვალი
ავტორი: მარი ლორთქიფანიძე
ლამაზ გოლს კიდევ უფრო ალამაზებს ელეგანტური აღნიშვნა, ოღონდ მაისურის გახდა და ადებაიორივით სირბილი არა, არც SIIIUUU-ს ყვირილი. უფრო ცოცხალ და განსხვავებულ აღნიშვნებზე ვამბობ, რომლებიც სამუდამოდ დარჩება ისტორიაში:
ენდი ვან დერ მეიდე – ცნობილი აღნიშვნა მონადირის სტილში, ზურგიდან იღებდა ისარს;
პიტერ კრაუჩი – ტეკენის ერთ-ერთი გმირის – გან ჯეკის ცეკვა;
ლუკა ტონი – ყურზე ხელის მოკიდება და თავის ტრიალი;
რაულ გონსალეს ბლანკოს მისტიური კოცნა საქორწინო ბეჭედზე;
რობი კინის სალტო, ზურგზე გადაკოტრიალება და ყირამალა აღნიშვნა;
ტიმ კეჰილის ჩხუბი კუთხურის ალამთან;
ობაფემი მარტინსის ოლიმპიური სალტოები;
რობი ფაულერის მოედნის ხაზის “გაყნოსვა”, რადგან ტაბლოიდებმა კოკაინის მოხმარებაში დაადანაშაულეს;
დანიელ სტარიჯი – ცეკვა, რომელიც კლოპსაც ასწავლა;
ბამფეტამი გომისი – Lion walk.
ჯადოსნური ჯოხი რომ გქონდეს, რომელ გოლს გაამეორებდი და რომელ აღნიშვნასთან დააწყვილებდი?