ზღაპრული კოტეჯები რაჭაში: ის, რაც ცხოვრებაში ერთხელ მაინც უნდა ნახოთ
თუკი უკვე შვებულებას გეგმავთ და ჯერ არ იცით, საით გაეშუროთ, მაშინ თქვენთვის საინტერესო ამბავი გვაქვს. რაჭის სიმწვანესა და სილამაზეზე ბევრ საუბარს არ დავიწყებთ, ვფიქრობთ, უკვე იცით, წინ როგორი სამოთხე გელოდებათ. მაგრამ, ის თუ იცით, რომ რაჭაში უამრავ ზღაპრულ კოტეჯს შეხვდებით? მაშ ასე, დავიწყოთ:
ეს არის მშვიდი, წყნარი და ეკომეგობრული ხის სახლი რაჭის სუფთა ჰაერზე, ნიკორწმინდაში. ვაშლის ბაღებში ჩაფლულ ზღაპრულ სახლში დაგხვდებათ რამდენიმე საძინებელი, დიდი ლაუნჯ სივრცე, ვერანდა და ულამაზესი ხედები. დამატებით უნდა აღინიშნოს, რომ “საყუდელა” სრულად აღჭურვილია საყოფაცხოვრებო ინვენტარითა და კომფორტით.
ეს სწორედ ის სახლია, სადაც საყვარელ ადამიანებთან ერთად ზაფხულის ცხელი დღეების გატარებას ინატრებდი!
“ჰაერი” მყუდრო, კომფორტული და თანამედროვე მთის კოტეჯებია ნამდვილ სამოთხეში – კურორტ უწერაში. სამკუთხა, ორსართულიან კოტეჯებში აღმოაჩენთ ზემო რაჭის მთებზე პანორამულ ხედებს, მთის სიმყუდროვეს, მარადმწვანე ნაძვების ჰაერს, კურორტ უწერის მჟავე წყლებს და სრულ სიმშვიდეს ნამდვილი დასვენებისათვის.
ადილის განსაკუთრებულობიდან გამომდინარე, თავგადასავლების მოყვარულებს შეუძლიათ კურორტიდან რაჭის ნებისმიერი წერტილი მარტივად მოიარონ. უწერა, ღები, ჭიორა, გლოლა და მთლიანად რიონის ულამაზესი ხეობა ხომ გულანთებული მნახველების მოლოდინში არიან.
“რივერსაიდი” ამბროლაურიდან 7 წუთის სავალზე, სოფელ შუა კრიხში მდებარეობს. დიდი სივრცე, კომფორტული ეზო და 5 კოტეჯი სხვადასხვა გემოვნების ადამიანებზეა გათვლილი. აქ დაგხვდებათ სეზონური აუზი, ფანჩატურები, მაყალი, გრილი და ბედნიერი დასვენებისთვის საჭირო ყველა ნივთი.
სიმწვანე, სილამაზე და სიმყუდროვე – “რივერსაიდში” ყველაფერია, რათა თქვენი დასვენება ზღაპრულ თავგადასავლად გადაიქცეს.
ეს უნიკალური კოტეჯი სოფელ ქვემო თლუგში, შაორის წყალსაცავიდან 700 მეტრში მდებარეობს. კოტეჯებიდან 50 მეტრში საოცარი წყარო “ცივწყალა“ მოედინება, 800 მეტრშია მისტიკური გამოქვაბული “კიდობანა”, 30 მეტრში კი – უნიკალური სოჭის ტყე.
ნუ შეგეშინდებათ, ველური ბუნების მიუხედავად, კოტეჯში სრული კომფორტი დაგხვდებათ! აქ, ამ ტყეში, ზღაპრული ბუნებაში, თანამედროვე ცხოვრებისთვის საჭირო ყველა ელემენტია გაერთიანებული.
რაჭის ზღაპრული კოტეჯების საუკეთესო ფასად დაჯავშნას ტრადიციულად www.swoop.ge-ზე შეძლებთ. თუმცა ეს ზაფხული კიდევ უფრო გამორჩეულია: 1 ივნისიდან 30 ივლისის ჩათვლით შეარჩიეთ თქვენი ფავორიტი კოტეჯი რაჭაში, გადაიხადეთ Mastercard-ის ნებისმიერი ბარათით და მიიღე 20%-მდე დამატებითი ფასდაკლება.
შეარჩიეთ თქვენს გემოვნებაზე მორგებული კოტეჯი, განიტვირთეთ და შეიქმენით ზაფხულის შეუფასებელი მოგონებები!
####
Mastercard-ის შესახებ:
Mastercard ტექნოლოგიური კომპანიაა გადახდების გლობალურ ინდუსტრიაში. ჩვენ ვმართავთ მსოფლიოში გადახდის ყველაზე სწრაფ საპროცესო ქსელს, რომელიც 210-ზე მეტ ქვეყანაში ერთმანეთთან აკავშირებს მომხმარებლებს, ფინანსურ ინსტიტუტებს, სავაჭრო ქსელებსა და მთავრობებს. Mastercard-ის პროდუქტები და სისტემები უფრო აადვილებს, უსაფრთხოსა და ეფექტურს ხდის ისეთ ყოველდღიურ სავაჭრო საქმიანობებს, როგორებიცაა შოპინგი, მოგზაურობა, ბიზნესისა და ფინანსების მართვა.
დამატებითი ინფორმაციისთვის ეწვიეთ: www.mastercard.com