„მექანიკური ტალღების“ მხარდასაჭერი მოსმენა/საუბარი გორის ხელოვნების სახლში
პლატფორმა „მექანიკური ტალღები“, მუსიკალური პროექტით, ANCIENT PAIN. MODERN LOVE მხარდასაჭერ მოსმენა/საუბარს მართავს გორის ხელოვნების სახლში, დამოუკიდებელ სივრცეში, რომელიც გორის მერიის სამიზნე გახდა მას შემდეგ, რაც უმასპინძლეს გამოფენას: „ნაომარი ქალაქი ბოდიშს არ იხდის“.
ANCIENT PAIN. MODERN LOVE.-ის მე-12 გამოშვების ფარგლებში, გორის ხელოვნების სახლში მოუსმენენ კომუნა „დიაცი“-ს ინიციატივით გამოცემულ, ქართველი ქალი მუსიკოსების/პროდიუსერების კომპილაციურ ალბომს „ქალები ძალადობრივი რეჟიმის წინააღმდეგ“.
ალბომი შექმნილია არალეგიტიმური მთავრობის მხრიდან საქართველოს მოქალაქეების მიმართ განხორციელებული რეპრესიების წინააღმდეგ.
მოსმენის შემდეგ გაიმართება საუბარი კომუნა „დიაცი“-ს დამფუძნებლებთან. მოდერატორი – თათა ბურდული.
ალბომი „ქალები ძალადობრივი რეჟიმის წინააღმდეგ“ 2025 წლის 13 იანვარს გამოვიდა და მასში შესულია ადგილობრივი 29 ქალი არტისტის მუსიკალური ნამუშევარი.
არტისტები:
- Aine Merme – Forehead [Mother Sun]
- Ani Zakareishvili – Resist
- Anka Odishelidze – kvela gadis shens meti
- Anman, Anuka Kipshidze – Vanilla
- Anna Jordania – დღე და ღამე
- Anuka Kipshidze – Mona
- Deena – Needy
- EKNR – Vote
- Eleon – Mshobliuro miwav
- Gabiskiriamalia – ACAB .
- Kesa Lumina – Barrier Breaker
- Ketato Nergadze – Fuck
- Ketrevani – უშრეტი და უქრობელი
- Kiosk Ensemble – Slumber
- LESHI – Vetting Before Revolt
- Masho Goes – Matriarchal propaganda
- Meme – Read me WRONG
- Nana.ios – Unknown
- Nino Davadze – Choros
- NixNoies – lurji dana
- Nuka Gabunia – Golden Hour
- Purple Flame – U Cant Jail Revolution
- Snail – Shavleგოგო
- Sophie Villy – Flow
- sTia – Muted by Defaults
- Tamo Nasidze – Doll
- TINA – Data Incoming
- Tindra – საჭე
- YADA – Attack
ალბომის გაყიდვებიდან შემოსული თანხა სრულად მოხმარდება პროტესტის საჭიროებებს.
პლატფორმა „მექანიკური ტალღები“ წარმოადგენს დიალოგის სივრცის შექმნის ინიციატივას შემოქმედებით სფეროში. პლატფორმის მიმდინარე პროექტებია: ANCIENT PAIN. MODERN LOVE. და HARMFUL WEATHER CONDITIONS.