24 ივლისი დილიდან 

ბლექ სი არენაზე მომღერალ ნანი ბრეგვაძისა და კრის ბოტის კონცერტი 16 აგვისტოს გაიმართება

კრის ბოტი  საღამოზე რამდენიმე კომპოზიციას შეასრულებს. კონცერტს მუსიკალურად გააფორმებს საქართველოს ეროვნული სიმფონიური ორკესტრი ნიკოლოზ რაჭველის ხელმძღვანელობით. (+)

წყარო: https://www.facebook.com/

26 ივლისს, 19:00 საათზე ილიაუნის წიგნის სახლ “ლიგამუსში”  გაიმართება ედუარდო მენდოსას რომანის – “საოცრებათა ქალაქის” პრეზენტაცია

“საოცრებათა ქალაქი” ცნობილი ესპანელი მწერლის, სერვანტესის პრემიის ლაურეატის (2016), ედუარდო მენდოსას გახმაურებული რომანია. წიგნში მოთხრობილია მე-19 საუკუნის დასასრულისა და მე-20 საუკუნის დასაწყისის ბარსელონის მშფოთვარე ცხოვრება. ქალაქის სოციალური და ეკონომიკური გარდაქმნის ფონზე მწერალი გვიამბობს პროვინციიდან დიდ ქალაქში ჩამოსული ბიჭის, ონოფრე ბოუვილას საოცარ ცხოვრებას. ანარქისტების დაქირავებული პროპაგანდისტიდან მსოფლიოში ყველაზე მდიდარ და გავლენიან ადამიანამდე მთავარი გმირის გასავლელი გზა ეპოქის უმნიშვნელოვანესი ისტორიული მოვლენების კონტექსტშია ნაჩვენები. ბარსელონაში ჩატარებულ ორ უნივერსალურ გამოფენას შორის მოქცეულია ონოფრე ბოუვილას ცხოვრებაც და ქალაქის ტრანსფორმაციაც – თუ როგორ იძენს ბარსელონა საკუთარ იდენტობასა და საერთაშორისო მნიშვნელობას. რომანს ფონად გასდევს კატალონიურ-ესპანური დაპირისპირების ისტორიული მოტივებიც.

წყარო: https://www.facebook.com/

პატარა გალერეა წარმოგიდგენთ ალისა ბერგერის გამოფენას – “ფარდის უკან” გამოფენაზე ნაჩვენები იქნება დახურული გალერეა

ვიტრინა დაიფარება ფარდით, რომელიც სულ მოძრაობაშია და პერიოდულად ნათდება. დახურული ფარდის უკნიდან მუდმივად ისმის ქართველი ტექნო-არტისტის, მიხეილ თოდუას (მიხაილო) მუსიკა.  ალისა ბერგერი არის გერმანელ-კორეელი ხელოვანი, რომელიც მუშაობს ფილმის, ვიდეო არტის, ინსტალაციებისა და პერფორმანსის მედიებით.

წყარო: https://www.facebook.com

Locarno Filmmakers Academy-მ სხვადასხვა ქვეყნიდან 19 ახალგაზრდა, წარმატებული რეჟისორი მიიწვია ლოკარნოს კინოფესტივალის ფარგლებში შეხვედრებზე დასასწრებად

რჩეულ რეჟისორებს შორის მოხვდა მარიამ ხაჭვანი მარიამი ლოკარნოში მის ახალ პროექტს “ნენე” წარმოადგენს. 3 აგვისტოს კი Academy Screenings მისი მოკლემეტრაჟიანი ფილმის, “დონოლას” ჩვენებას უმასპინძლებს.

წყარო: https://www.locarnofestival.ch

ყვარელში მდებარე განვითარებული შუა საუკუნეების ე.წ. თურგაანთ ეკლესიას საქართველოს კულტურული მემკვიდრეობის დაცვის ეროვნული სააგენტოს გადაწყვეტილებით კულტურული მემკვიდრეობის უძრავი ძეგლის სტატუსი მიენიჭა

დარბაზული ეკლესია, სამხრივი მინაშენით, ნაგებია ნატეხი ქვით დუღაბზე. ამჟამად ტაძრის ინტერიერი სავსეა ნაშალი მასით და დაფარულია მცენარეული საფარით. მინაშენებიდან შემორჩენილია მხოლოდ აღმოსავლეთის კედლის ქვედა ფრაგმენტები და ჩრდილოეთი მინაშენის გამყოფი კედლის ნაწილი.

წყარო: https://www.heritagesites.ge/

2018 წლის 21 დეკემბერს ეკრანზე Aquaman გამოდის, რომელშიც მთავარ როლებს “სამეფო კარის თამაშების” ვარსკვლავი ჯეისონ მომოა და ოსკაროსანი მსახიობი ნიკოლ კიდმანი ასრულებენ.

წყარო: https://www.youtube.com/

ნახეთ ჯულია რობერტსის პირველი სატელევიზიო სერიალის ტიზერი Homecoming – ასე ჰქვია ახალ პოლიტიკურ თრილერს ჯულია რობერტსის მონაწილეობით, რომლის პრემიერაც Amazon Prime-ზე 2 ნოემბერს შედგება

Homecoming-ის სცენარი Mr. Robot-ის შემქმნელ სემ ისმაილს ეკუთვნის და ის Gimlet Media-ს პოდკასტებზეა დაფუძნებული, რომელშიც ჯარისკაცები ჰყვებიან, თუ როგორ ადაპტირდნენ გარემოსთან ომიდან დაბრუნების შემდეგ. სერიალის პირველ სეზონში ათი სერია იქნება. ამაზონმა სერიალის პირველი ოფიციალური ტიზერი ცოტა ხნის წინ გაავრცელა:

წყარო: https://www.youtube.com/

პირველად ტელევიზიის ისტორიაში ამერიკულ სერიალ Supergirl-ში ტრანსგენდერი სუპერგმირი გამოჩნდება

პერსონაჟს ასევე ტრანსგენდერი მსახიობი ნიკოლ მაინესი შეასრულებს, რომელიც შოუში ნურა ნალის, იგივე მეოცნებეს როლს მოირგებს.

წყარო: https://www.usatoday.com/

ფესტივალი Summer Set 27 ივლისს ახალ ადგილას გაიმართება. ამის მიზეზი მოსალოდნელი წვიმაა

“საქართველოს სინოპტიკოსთა ცნობით, 27 ივლისს დღის მეორე ნახევრიდან მოსალოდნელია წვიმა, რაც თბილისის ზღვის ღია სივრცეში ფესტივალის ჩატარებას გაართულებს, ამიტომ გვიწევს ფესტივალი დახურულ სივრცეში გადავიტანოთ. დაწყების დრო, ქართველი და მოწვეული არტისტები, ნიუქამერები, სტარტაპერები, პარტნიორები – ყველაფერი უცვლელი რჩება! გელით 27 ივლისს, საღამოს 19:00-დან ცოტნე დადიანის 32-ში (ჩუღურეთის რაიონი, “ნახალოვკა”)”, – წერია ორგანიზატორების განცხადებაში. ერთდღიანი ღონისძიების ფარგლებში, მსმენელის წინაშე წარდგებიან Cigarettes After Sex, WhoMadeWho, Koreless, Gidge და Baikal.

ფესტივალი პროექტ Check in Georgia-ს ფარგლებში იმართება.

წყარო: https://www.facebook.com