28 აგვისტო დილიდან
თანამედროვე ქართველი არტისტები საქართველოს სხვადასხვა პროექტით ფრანკფურტში, Museum Angewandte Kunst-ში წარადგენენ
გამოფენაზე წარმოდგენილი იქნება ვიზუალური ხელოვნება, ფოტოგრაფია, მოდა, მუსიკა და სხვა მედიები. პროექტში ქართველი არტისტები როგორც ინდივიდუალურად, ასევე ერთობლივადაც მონაწილეობენ. გამოფენა მიმდინარე წლის 21 სექტემბერს დაიწყება და 2019 წლის 20 იანვარს დასრულდება.
წყარო: http://agenda.ge/
თბილისში მდებარე მულტიფუნქციური სივრცე Fabrika ყოველწლიური დაჯილდოების – Global Architecture & Design Awards-ის ერთ-ერთი პრიზიორი გახდა.
წარმოდგენილი 748 პროექტიდან ფაბრიკამ კატეგორიაში Urban Design (Built) მეორე ადგილი დაიკავა.
წყარო: https://www.facebook.com
ფრანკფურტის წიგნის ბაზრობაზე ქართული წიგნები სამ სხვადასხვა სტენდზე იქნება წარმოდგენილი
როგორც საქართველოს წიგნის გამომცემელთა და გამავრცელებელთა ასოციაციის ოფიციალური Facebook-გვერდიდან ვიგებთ, 2018 წლის ფრანკფურტის წიგნის ბაზრობაზე წარსადგენი ათასამდე წიგნი უკვე დახარისხებულია და მალე გერმანიაში გაიგზავნება.
წიგნები სამ ეროვნულ სტენდზე გადანაწილდება: მთავარ, საქართველოს ეროვნულ სტენდზე თაროები ქართულ გამომცემლობებს ეთმობა, სახელოვნებო წიგნები ART+ პავილიონის ქართულ სტენდზე გამოიფინება, ხოლო საბავშვო ლიტერატურა – შესაბამისად საბავშვო სტენდზე. ქართული საბავშვო წიგნების ნაწილს ასევე სპეციალურ სივრცეში, “ფრანკფურტის ბავშვების ფოიეში” წარადგენენ.
2018 წელს საქართველო ფრანკფურტის წიგნის ბაზრობაზე საპატიო სტუმარი ქვეყანაა.
წყარო: https://www.facebook.com
2018 წლის 5 ოქტომბერს საქართველოს ინოვაციების და ტექნოლოგიების სააგენტო ტურიზმის განვითარების მიმართულებით ჰაკათონს ,,hack_a_tour“- ს იწყებს
ჰაკათონი სამ დღეს გაგრძელდება და მისი მიზანი ინფორმაციული ტექნოლოგიების გამოყენებით საქართველოში ტურიზმის განვითარების ხელშეწყობა, ასევე ინფორმაციული და ინოვაციური ტექნოლოგიებით დაინტერესებული ადამიანებისთვის განვითარებისა და ჩანაფიქრების რეალიზაციის პრაქტიკული შესაძლებლობის შექმნაა.
ჰაკათონი საქართველოს მასშტაბით ათ სხვადასხვა გეოგრაფიულ წერტილში ერთდროულად ჩატარდება, რაც კონკურსანტებს მაქსიმალურად შეუწყობს ხელს, მარტივად მიიღონ მონაწილეობა პროექტში. ჰაკათონი 2018 წლის 7 ოქტომბერს დასრულდება.
წყარო: https://www.facebook.com/
Beyoncé-სა და JAY-Z-ის კონცერტზე, რომელიც ატლანტაში, Mercedes-Benz-ის სტადიონზე მიმდინარეობდა, შოუს მსვლელობისას სცენაზე მსმენელი აიჭრა
A fan chased after Beyoncé & JAY-Z on stage tonight and the dancers tried to stop him! #OTRII #Atlanta pic.twitter.com/0kEtZ6yotb
— Music News Facts (@musicnewsfact) August 26, 2018
ის მუსიკოსებისაკენ გაემართა, რამაც სტადიონზე ქაოსი გამოიწვია. უცნობი მამაკაცი მოცეკვავეებმა შეაჩერეს, რომლებიც ამ დროს სცენაზე ნომერს ასრულებდნენ.
წყარო: https://people.com
ინტერნეტში ცნობილი ამერიკული დეტექტიური სერიალის – True Detective-ის მე-3 სეზონის პირველი ტრეილერი გავრცელდა
სიუჟეტი ოზარკში ვითარდება. მესამე სეზონის მთავარი გმირი შტატის პოლიციის დეტექტივია, რომელიც იდუმალებით მოცულ დანაშაულს წლების განმავლობაში იძიებს. დეტექტივის როლს ოსკაროსანი მსახიობი მაჰერშალა ალი ასრულებს. სერიალის ახალ სეზონს მაყურებლები 2019 წლის იანვრიდან HBO-ზე იხილავენ.
წყარო:https://www.theguardian.com/
HBO-მ სატელევიზიო სერიალების ახალი სეზონის სარეკლამო ტრეილერი გამოაქვეყნა
ვიდეოში საკულტო სერიალის, Game Of Thrones-ის ორი რამდენიმეწამიანი კადრიც მოხვდა, რამაც ინტერნეტმომხმარებლების დიდი ინტერესი გამოიწვია. ვიდეოში ჩანს, თუ როგორ ხვდებიან ფილმის მთავარი გმირები – ჯონ სნოუ და სანსა სტარკი ერთმანეთს. შეგახსენებთ, რომ 2019 წელს Game Of Thrones ეკრანებზე ფინალური, მე-9 სეზონით ბრუნდება.
წყარო: https://edition.cnn.com
სატრანსპორტო კომპანია “უბერი” მომხმარებლებს ახლო მანძილზე გადაადგილებისათვის ელექტროველოსიპედებს და სკუტერებს შესთავაზებს
ამის შესახებ განცხადება კომპანიის წარმომადგენლებმა გაავრცელეს. ისინი აღნიშნავენ, რომ სიახლე არა მხოლოდ მომხმარებლებზეა ორიენტირებული, რამდენადაც ის პიკის საათის დროს სწრაფი გადაადგილების საშუალებას იძლევა, არამედ ეკოლოგიური თვალსაზრისითაც გონივრულია.
წყარო: https://www.businessinsider.com/