31 აგვისტო დილიდან
UEFA-მ ქართველ ფეხბურთელს, გურამ კაშიას ვიდეორგოლი მიუძღვნა
ვიდეო ფეხბურთელისათვის #EQUALGAME-ის (თანასწორი თამაშის) ჯილდოს გადაცემას უკავშირდება. ვიდეორგოლი 30 აგვისტოს UEFA-ს Facebook-ის ოფიციალურ გვერდზე გამოქვეყნდა.
აღსანიშნავია, რომ ამჟამად სოციალურ ქსელში გურამ კაშიას მხარდამჭერი კამპანია მიმდინარეობს. კამპანიის საფუძველი ფეხბურთელის მიმართ საჯაროდ გამოთქმული შეურაცხმყოფელი მიმართვები გახდა, რომელიც გურამ კაშიას მხრიდან LGBT თემის ღია მხარდაჭერამ გამოიწვია
For his courageous support of equality 🏳️🌈Guram Kashia will today receive the first ever #EqualGame award 🏅🇬🇪 👏This is his story…📲 EqualGame.com
Gepostet von UEFA am Donnerstag, 30. August 2018
წყარო: https://www.facebook.com/
ქართველი მოდელი თაკო ნაცვლიშვილი წელს Victoria’s Secret-ის კასტინგზე მონაწილეობს
ახლახან მოდელმა საკუთარ ინსტაგრამზე გაავრცელა ფოტოები, სადაც ის ჟიურისთან შესახვედრად მიემართება. როგორც მოდის ბლოგერები აღნიშნავენ, მოდელი წელს განსაკუთრებით კარგ ფორმაშია.
შეგახსენებთ, რომ თაკო ნაცვლიშვილი Victoria’s Secret-ის კასტინგზე 2017 წელსაც მონაწილეობდა, თუმცა რჩეულ კანდიდატებს შორის ვერ მოხვდა. ასევე აღსანიშნავია, რომ ყველა მოდელს არ ეძლევა უფლება მოხვდეს Victoria’s Secret-ის შესარჩევ კონკურსში.
წყარო: https://www.instagram.com/
მსოფლიო მასშტაბით აღიარებული ქართველი პიანისტი ხატია ბუნიათიშვილი აზიის ქალაქებში ტურნეს გამართავს
ამ ინფორმაციას twitter-ის საშუალებით თავად პიანისტი ავრცელებს. ტურნე 6 კონცერტს გააერთიანებს და 24 ოქტომბრიდან 3 ნოემბრის ჩათვლით გაიმართება.
შეგახსენებთ, რომ 15 სექტემბერს ფესტივალ “შემოდგომის თბილისზე” ხატია ბუნიათიშვილი ქართველი მსმენელის წინაშე თბილისის სიმფონიურ ორკესტრთან ერთად წარდგება.
Asian tour in Autumn:
Beijing October 24
Shanghai October 26
Shanghai/Wuxi October 27
Taipei October 31
Seoul/Yongin November 2
Seoul November 3
With orchestra Tonhalle Zurich and Paavo Jarvi. pic.twitter.com/LeEH215fpA— Khatia Buniatishvili (@BuniatishviliKh) August 29, 2018
წყარო: https://twitter.com/BuniatishviliKh
ცნობილი პიანისტი ელისო ბოლქვაძე ღირსების ორდენით დაჯილდოვდა სახელმწიფოს მთავარი ჯილდო პიანისტს თავად პრეზიდენტმა გადასცა.
გიორგი მარგველაშვილმა აღნიშნული გადაწყვეტილება ელისო ბოლქვაძეს ბათუმის საერთაშორისო მუსიკალურ ფესტივალთან დაკავშირებით გამართულ პრესკონფერენციაზე გააცნო. რაც შეეხება ბათუმის საერთაშორისო მუსიკალურ ფესტივალს, რომლის ორგანიზატორიც თავად პიანისტია, ის მიმდინარე წლის 2 სექტემბერს გაიხსნება და 12 სექტემბერს დაიხურება.
წყარო: http://agenda.ge/en/
ფრანგ მსახიობ ჟერარ დეპარდიეს სექსუალურ ძალადობაში ადანაშაულებენ
ამის შესახებ ინფორმაციას BBC ავრცელებს. მედიაგამოცემის ცნობით, 69 წლის მსახიობის წინააღმდეგ სარჩელი 22 წლის ფრანგმა მსახიობმა ქალმა აღძრა. ჟერარ დეპარდიეს ადვოკატის თქმით, მისი მსახიობი ბრალდებას კატეგორიულად უარყოფს.
წყარო: https://www.bbc.com/news/
ცნობილი ამერიკული ბენდი Metallica საკუთარ ვისკის გამოუშვებს
It comes alive! 🥃 #blackenedwhiskey @blckndwhsky pic.twitter.com/5r0MzxeyAa
— Metallica (@Metallica) August 29, 2018
Blackened American Whiskey – ასე ერქმევა ბენდის ალკოჰოლურ სასმელს. როგორც ჯგუფის წევრები აცხადებენ, ისინი იდეაზე წლების განმავლობაში მუშაობდნენ, მათ არ სურთ სახელი Metallica უბრალოდ ახალ ბრენდს დაუკავშირონ – მათი სურვილია მომხმარებლებს განსაკუთრებული გემოს სასმელი შესთავაზონ.
წყარო: https://pitchfork.com/news
ბრიტანული როკ ბენდი Muse ახალ ალბომს გამოუშვებს
მუსიკალური კრებული – სახელწოდებით Simulation Theory წლეულს, 9 ნოემბერს გამოვა. ალბომზე ბენდმა Warner Bros.-თან ერთად იმუშავა. Simulation Theory სამ სხვადასხვა ვერსიად გაიყიდება – ალბომებს მხოლოდ სიმღერების რაოდენობა განასხვავებს – ერთში – 11, მეორეში – 16, ხოლო მესამეში 21 კომპოზიცია შევა. ახლახან ბენდმა ალბომის გარეკანიც გამოაქვეყნა. მასზე გრაფიკის დიზაინერმა კაილ ლემბერტმა იმუშავა. კაილის ნამუშევრებს შორისაა ცნობილი სერიალის, Stranger Things-ის მთავარი პოსტერიც. აღსანიშნავია, რომ ეს ორი ნამუშევარი ძალიან ჰგავს ერთმანეთს. Muse-მა ალბომის გამოსვლის დაანონსებასთან ერთად ახალი კომპოზიციაც გაავრცელა. The Dark Side – ასე ჰქვია სიმღერას, რომელიც ბენდმა 30 აგვისტოს youtube-ზე ატვირთა.
წყარო: https://www.nme.com/news
ვენეციის კინოფესტივალის გახსნის შემდეგ ინტერნეტში დემიენ შაზელის ახალი ფილმის, First Man-ის ტრეილერი გავრცელდა
როგორც უკვე ცნობილია, ფილმის სიუჟეტი ამერიკელი ასტრონავტის, ნილ არმსტრონგის ირგვლივ ვითარდება და მის როლს რაიან გოსლინგი ასრულებს. დახურული კინოჩვენების შემდეგ ინტერნეტში კინოკრიტიკოსების შეფასებებიც გამოქვეყნდა; რეცენზიები დადებითია – ფილმს მნიშვნელოვან ჯილდოებს და წარმატებას უწინასწარმეტყველებენ.
წყარო: https://www.hollywoodreporter.com