25 სექტემბერი დილიდან
იტალიური მოდის სახლი ვერსაჩე იყიდება
ვერსაჩეს ამერიკული კომპანია მაიკლ კორსი 2 მილიარდ დოლარად ყიდულობს. ბრენდის 80 პროცენტს ამ დროისთვის ვერსაჩეს ოჯახი ფლობს. მისი არტდირექტორი კი დონატელა ვერსაჩეა.
წყარო: https://www.bbc.com
სერიალი “გრეის ანატომია” შესაძლოა მე-16 სეზონის შემდეგ დასრულდეს
საუბრები შოუს დასრულების შესახებ მას შემდეგ გააქტიურდა, რაც მთავარი როლის შემსრულებელმა ელენ პომპეომ ერთ-ერთ ინტერვიუში კარიერასთან დაკავშირებულ ცვლილებებზე ისაუბრა და თქვა, რომ მისი აზრით, შოუმ თავისი საქმე უკვე გააკეთა. ამ ეტაპზე ცნობილია ისიც, რომ ელენს კონტრაქტი სერიალში მონაწილეობაზე 2020 წლამდე აქვს დადებული, სწორედ ამ დროს სრულდება “გრეის ანატომიის” მე-16 სეზონიც.
წყარო: https://www.harpersbazaar.com/
თბილისში ღამის ბიბლიოთეკების გახსნა იგეგმება
თბილისის მერია გეგმავს, რომ მოაწყოს ადგილები, სადაც მსურველებს წიგნის წაკითხვის გარდა, სამუშაო სივრცე და დასასვენებელი ადგილი დახვდებათ. პროექტი ამ ეტაპზე განხილვის პროცესშია და ღამის ბიბლიოთეკების გახსნა წელს არ იგეგმება.
ფრანკფურტის წიგნის ბაზრობის კულტურული პროგრამის ფარგლებში, 27 სექტემბერს გერმანიის ქალაქ პოტსდამში დუდანა მაზმანიშვილის კონცერტი გაიმართება.
Microsoft-მა Office 2019 გამოუშვა. განახლებული საოფისე პროგრამა დღეიდან ხელმისაწვდომია Mac-ისა და Windows-ის მომხმარებლისთვის.
წყარო: https://www.microsoft.com/
26 სექტემბერს საქართველოს ეროვნულ მუზეუმში, მეცნიერებისა და ინოვაციების საერთაშორისო ფესტივალის ფარგლებში, გაიმართება ვორქშოპი თემაზე: იმერსიული გამოფენები და თხრობის ხელოვნება: საზოგადოების ჩართვა და წარსულისთვის ახალი სიცოცხლის მინიჭება
ვირტუალურ და ინტერაქტიულ ტექნოლოგიებს მნიშვნელოვანი ცვლილებები შეაქვს მუზეუმების მოწყობაში და ეხმარება დამთვალიერებლებს, უკეთ აღიქვან ხელოვნების ნიმუშების კულტურული და ესთეტიკური ღირებულებები.
წყარო: https://www.facebook.com/
მწერალთა სახლი და ბორის პასტენაკის მუზეუმი გიწვევთ პასტერნაკისთვის ნობელის პრემიის მინიჭებიდან 60 წლისთავის აღსანიშნავ საღამოზე
საღამოში მონაწილეობას მიიღებენ ირინა ერისანოვა (ბორის პასტერნაკის მუზეუმის დირექტორი), ლევან ბერძენიშვილი, ლანა ღოღობერიძე, ნინო ანდრიაძე და ლაშა თაბუკაშვილი. მანანა მენაბდე შეასრულებს პასტერნაკის ლექსებსა და თარგმანებზე დაწერილ სიმღერებს.
წყარო: https://www.facebook.com
29 სექტემბერს, 15:00 საათზე მზიური მორიგ საბავშვო ღონისძიებაზე გეპატიჟებათ
ამჯერად საბავშვო შემეცნებითი პროექტი “მოგზაურობა წიგნებში” წარმოგიდგენთ ელისო ჩუბინიშვილის “ფრუ, გი და სხვებს”. ერთი მსახიობის მიერ გაცოცხლებული წიგნის ეპიზოდები, ხელნაკეთი დეკორაციები და წარმოსახვითი მოგზაურობა წიგნის სამყაროში – გელოდებათ მზიურში!
წყარო: https://www.facebook.com/
არტ შპიგელმანის MAUS-ის პრეზენტაცია 27 სექტემბერს, 20:00 საათზე BAUHAUS-ში შედგება
MAUS ცნობილი ამერიკელი მხატვრისა და მწერლის, არტ შპიგელმანის გრაფიკული რომანია. ავტორი მამამისის, ვლადეკის პირით მოგვითხრობს რიგითი ებრაელის ცხოვრებაზე II მსოფლიო ომის დროინდელ გეტოებსა და საკონცენტრაციო ბანაკებში. ის ნათლად გვიჩვენებს ჰოლოკოსტის დანატოვარ ფსიქოლოგიურ თუ ფიზიკურ ტრავმებსაც. MAUS ერთადერთი კომიქსია, რომელსაც პულიცერის პრემია მიანიჭეს უამრავ სხვა საერთაშორისო ჯილდოსთან ერთად. გრაფიკულ რომანზე მთარგმნელი მიხეილ ციხელაშვილი ისაუბრებს. MAUS ბაკურ სულაკაურის გამომცემლობამ გამოსცა.
წყარო: https://www.facebook.com/