ბლოგების პოპულარობის ხანა როგორც ქართულ, ისე მსოფლიო ინტერნეტში წლების წინ თითქოს დასრულდა და მათი უმეტესობა სხვადასხვა სოციალურ ქსელებსა და მობილურ აპლიკაციებში აქტივობებმა ჩაანაცვლა. პოპულარული ბლოგერების ნაწილმა სხვადასხვა გამოცემებისა და კომპანიებისთვის დაიწყეს მუშაობა, სხვებმა სხვა გასართობები იპოვეს და ასე დაემსგავსა ათასობით პირადი ბლოგი მიტოვებულ სახლს, რომელსაც იშვიათად თუ ჩაუვლის ვინმე გვერდით.
წლების განმავლობაში სხვადასხვა ინტერნეტფორუმებსა და გაერთიანებებში ისმოდა საუბარი იმასთან დაკავშირებით, მოკვდებოდა თუ არა ბლოგინგი, და მათ განიხილავდნენ, როგორც მიტოვებულ ბლოგებს. ახლად შექმნილი საიტებიც კი ასეთად მიიჩნევდნენ.
პარალელურად ციფრული მარკეტინგის სპეციალისტები უფრო და უფრო მეტად აფასებენ კონტენტის მარკეტინგს, ეძებენ გავლენიან პირებს ინტერნეტში, ცდილობენ მათ გამოყენებას საკუთარი მიზნებისთვის და მუდმივად იზრდება მოთხოვნა ადამიანებზე, რომლებსაც შეუძლიათ ავთენტური, საინტერესო და ვებზე მორგებული კონტენტის წარმოება.
შედარებით წარმატებულად ბლოგერების რესურსი ინტერნეტში ბაზირებულმა მედიასაშუალებებმა გამოიყენეს, თუმცა მათი ბლოგპოსტებიც უფრო საავტორო სვეტებს ჰგავს თავისი ფორმითა და შინაარსით, რომელსაც ავტორის სახელი და გვარი უფრო ყიდის, ვიდრე ბლოგების მიმართ ინტერესი.
მსჯელობის საილუსტრაციოდ გთავაზობთ რამდენიმე თემატურ ცოცხალ ბლოგს ქართული ინტერნეტსაიტებიდან:
ბლოგის ავტორი სოფო შეფ-კონდიტერია. კულინარიით რამდენიმე წლის წინ დაინტერესდა, პროფესიად აქცია და ყველაფერი, რასაც ბლოგზე გვთავაზობს, მის პირად გამოცდილებას ეფუძნება.
ეს არის ადგილი, სადაც ავტორები საკვებზე მოძიებულ საინტერესო ინფორმაციას თავიანთი ინტერპრეტაციით გიზიარებენ და სადაც ყველაფერი საკვების ან სასმელის ირგვლივ ტრიალებს.
ამ კულინარიული ბლოგის ავტორი მედეა ბლოგერად ფილმმა “ჯული და ჯულიამ” აქცია და ვინაიდან მისი მომავალი პროფესია სამედიცინო სფეროსთან არის დაკავშირებული, ბლოგზე რეცეპტების გარდა ნახავთ პოსტებს ჯანმრთელი ცხოვრებისა და კვების შესახებაც.
იმ შემთხვევაში, თუ სტატიის კითხვისას ბლოგის შექმნა ან მიტოვებულთან მიბრუნება გადაწყვიტეთ, კარგად დაფიქრდით მის თემატიკაზე, სამიზნე აუდიტორიაზე და მომხმარებლის გულის მოგების გზებზე, ვინაიდან ყველა ჩვენ მიერ ჩამოთვლილ ბლოგს, მიუხედავად იმისა, რომ საგულდაგულოდ ავარჩიეთ, ამ სამიდან მხოლოდ მკვეთრად განსაზღვრული თემატიკა გამოარჩევთ, სხვა უამრავი ბლოგისგან. ბევრი მომხმარებლების მოზიდვა მათ ავტორებს წინ აქვთ.
