25 დეკემბერი დილიდან 

გინდათ, რომ დავბრუნდე – კევინ სპეისიმ ფრენკ ანდერვუდის სტილში ერთწლიანი დუმილი დაარღვია და ვიდეომიმართვა გამოაქვეყნა

სექსუალური შევიწროებისა და გაუპატიურების ბრალდებების შემდეგ ოსკაროსანმა მსახიობმა პირველად დაარღვია ერთწლიანი დუმილი და Youtube-ზე ვიდეო გამოაქვეყნა. ვიდეოში სპეისი House of Cards-ის მთავარ პერსონაჟს, ფრენკ ანდერვუდს განასახიერებს და პარალელურად მის მიმართ გავრცელებულ ბრალდებებსაც პასუხობს.

“გაგაოგნეთ ჩემი გულწრფელობით. მთავარი კი ისაა, რომ გამოგიწვიეთ და დაგაფიქრეთ. თქვენც მენდობოდით, მიუხედავად იმისა, რომ იცოდით, რომ ეს არ ღირდა. ჯერ არაფერი დასრულებულა, მიუხედავად იმისა, თუ რას ამბობენ სხვები. გარდა ამისა, მე ვიცი, რაც გინდათ. თქვენ გინდათ, რომ დავბრუნდე”, – ამბობს მიმართვაში სპეისი. 

წყარო: https://www.youtube.com/

ლას-ვეგასში გამართულ კონცერტზე რედიოჰედის სოლისტმა ტომ იორკმა ფანებს სიურპრიზი მოუწყო და Silent Night შეასრულა.

წყარო: https://www.youtube.com/

პომპეის უძველეს კედელთან ახლოს, ერთ-ერთ სოფელში, ცხენის ჩონჩხის ნაშთები და მისი აღკაზმულობა იპოვეს

არქეოლოგები აღმოჩენას “ისტორიულად მნიშვნელოვანს” უწოდებენ და ამბობენ, რომ ცხენი ეტლში ყოფილა შებმული და, როგორც ჩანს, მზად იყო ვულკანის ამოფრქვევის დროს იქაურობის დასატოვებლად.

არქეოლოგებმა მასთან ერთად სხვა ცხენის ჩონჩხსაც მიაგნეს.

წყარო: https://www.bbc.com/

ჯეიმს კორდენის საშობაო გადაცემაში მუსიკოსებმა საახალწლო სიმღერები შეასრულეს

კლიპში მონაწილეობენ არიანა გრანდე, პოლ მაკკარტნი, კრისტინა აგილერა, მაიკლ ბუბლეი, ბარბრა სტრეიზანდი, ადამ ლევინი, შონ მენდესი და ჯგუფ Migos-ის წევრები.

წყარო: https://www.youtube.com/

Secret Santa-ს საახალწლო ბაზრობა ახალ წლამდე, ყოველ დღე, 12:00-დან 22:00 საათამდე გალერია თბილისში გაიმართება.

წყარო: https://www.facebook.com/

CinéDOC-Tbilisi წარმოგიდგენთ პროექტ კინოამბასადორის პირველ კინოჩვენებას, მოლაპარაკე შენობასა და მასთან პროფესიულად დაკავშირებულ ძალიან საინტერესო ადამიანებზე

სოფიო ტაბატაძის ფილმი „პირიმზე” მოგვითხრობს აღნიშნული შენობის გარშემო მომხდარი სოციალური და ვიზუალური ცვლილებების შესახებ. ფილმი მაყურებელს წარსულში, საბჭოთა დროინდელ საქართველოში აბრუნებს. ამბავი ახლად გარემონტებული შენობის – „პირიმზე პლაზას“ კედლებს მიღმაც ვითარდება, რომელმაც ძველი „პირიმზე“ ჩაანაცვლა და შენობის ტრანსფორმაციის მოტივებსა და საჭიროებების შესახებ მრავალი შეკითხვა წარმოშვა.

წყარო: https://www.facebook.com/

სამშაბათს, 25 დეკემბერს მულტიდისციპლინური საგამოფენო პროექტი – “მდგომარეობებს შორის” წარმოგიდგენთ პარალელური პროგრამის პირველ ღონისძიებას, რომელიც მოიცავს დათო კოროშინაძისა და ნიკა კაპანაძის დისკუსია-პრეზენტაციებს

გამოფენის პარალელური პროგრამის ფარგლებში დაგეგმილია ღონისძიებების სერია, რომელიც ეტაპობრივად განხორციელდება სამი თვის განმავლობაში პრეზენტაციების, ვორქშოფების, პერფორმანსებისა და სხვა კვლევითი საქმიანობების სახით.

წყარო: https://www.facebook.com/