4 მარტი დილიდან 

ევროვიზია 2019-ზე საქართველოს სახელით ოთო ნემსაძე წარდგება – მოუსმინეთ გამარჯვებულ სიმღერას

პირველი არხის მუსიკალური კონკურსის, საქართველოს ვარსკვლავის გამარჯვებული ოთო ნემსაძე გახდა. შესაბამისად, წლევანდელ ევროვიზიაზე, რომელიც ისრაელში გაიმართება, საქართველოს სახელით სწორედ ოთო ნემსაძე წარდგება რომან გიორგაძის სიმღერით “სულ წინ იარე”. 

წყარო: https://www.facebook.com

საფრანგეთის ქალაქ არლში, ვინსენტ ვან გოგის მუზეუმში, ნიკო ფიროსმანის ნამუშევრები გამოიფინა

ეს პირველი შემთხვევაა, როდესაც ქართველი მხატვრისა და ვინსენტ ვან გოგის ნამუშევრები ერთ სივრცეშია წარმოდგენილი. დამთვალიერებელი იხილავს ნიკო ფიროსმანაშვილის 29 ნამუშევარს შალვა ამირანაშვილის სახელობის ხელოვნების მუზეუმის კოლექციიდან.

გამოფენა, რომელიც 1 ივნისის ჩათვლით მიიღებს დამთვალიერებლებს, საქართველოს განათლების, მეცნიერების, კულტურისა და სპორტის სამინისტროს, საქართველოს ეროვნული მუზეუმის, “Infinitart Foundation Vienna”-ის და არლში ვინსენტ ვან გოგის ფონდის ინიციატივით ხორციელდება.

წყარო: https://www.facebook.com/

YouTube პედოფილებისგან დასაცავად ბავშვების ვიდეოებზე კომენტარების დატოვების ფუნქციას გათიშავს

კომპანიის განცხადებით, ბავშვების მონაწილეობით ათობით მილიონ ვიდეოზე კომენტარების დატოვება უკვე მიუწვდომელია, თუმცა ვიდეოების ძიებისა და მათზე ფუნქციის გათიშვის პროცესი კიდევ რამდენიმე თვის განმავლობაში გაგრძელდება. იუთუბის განცხადებით, კომენტარების დატოვების ფუნქცია შეიზღუდება როგორც 13 წლამდე ბავშვების ვიდეოებზე, ასევე იმ ვიდეოებზეც, რომლებშიც 18 წლამდე ასაკის მოზარდები მონაწილეობენ.

წყარო: https://edition.cnn.com/

ლეგენდარული გლენ ქლოუზი ბილი უაილდერის საკულტო ფილმის, Sunset Boulevard-ის რიმეიქში მთავარ როლს შეასრულებს

რიმეიქის რეჟისორი რობ ეშფორდი იქნება, რომელსაც აქამდე მხოლოდ თეატრში მუშაობის გამოცდილება აქვს. ფილმის ორიგინალ ვერსიაში მთავარ როლს უხმო კინოს ვარსკვლავი გლორია სვენსონი ასრულებს.

წყარო: https://www.indiewire.com/

ტესლამ აშშ-ში Model 3-ის $35 000-იანი ვარიანტის გაყიდვა დაიწყო

ამჟამად კომპანია Model 3-ის რამდენიმე სხვადასხვა ვერსიას ყიდის. ამ დრომდე ყველაზე დაბალფასიანი მოდელის ღირებულება $42 900-დან იწყებოდა.

წყარო: https://www.theverge.com/

7 მარტს, 19 საათზე, Giuliano Caffè-ში სტივენ კინგის ორი წიგნის – „შინაური ცხოველების სასაფლაოსა“ და „მსროლელის“ პრეზენტაცია გაიმართება

წიგნებს წარადგენენ მთარგმნელები – ირაკლი სულაძე და ნიკა სამუშია. ღონისძიებაზე გათამაშდება 30 ბილეთი სტივენ კინგის – „შინაური ცხოველების სასაფლაოს“ მიხედვით გადაღებული ფილმის პრემიერაზე.

წყარო: https://www.facebook.com

ბექა ბუჯიაშვილი ბულგარეთის საერთაშორისო ტურნირის გამარჯვებული გახდა

57 კილოგრამ წონით კატეგორიაში მოასპარეზე ქართველმა სპორტსმენმა ბელორუსი, უკრაინელი და ფრანგი მეტოქეები დაამარცხა, გადამწყვეტ შეხვედრაში კი თურქეთის ნაკრების წევრს, მსოფლიო ჩემპიონატის პრიზიორს მოუგო.

წყარო: https://www.facebook.com/