21 მარტი დილიდან

დღის კლიპი: მოუსმინეთ ნანი ბრეგვაძისა და სტეფანეს ერთობლივ დუეტს.

ვერსია და არანჟირება ნიკოლოზ რაჭველს ეკუთვნის.

წყარო: https://www.youtube.com

ნახეთ: კვენტინ ტარანტინოს ახალი ფილმის პირველი ტრეილერი ბრედ პიტის, მარგო რობისა და ლეონარდო დიკაპრიოს მონაწილეობით.

ფილმის პრემიერა ივლისში შედგება.

წყარო: https://www.youtube.com/

ნეტფლიქსის “უცნაური ამბები” მესამე სეზონით 2019 წლის 4 ივლისს დაბრუნდება.

ნეტფლიქსმა შოუს ფანებს პირველი სრული ტრეილერი წარუდგინა, რომელიც ტრადიციულად სავსეა ბევრი მხიარულებითა და, რაღა თქმა უნდა, საშიში სცენებით.

წყარო: https://www.facebook.com

ისტორიაში პირველად  მათემატიკის უმაღლესი ჯილდო ქალმა მიიღო.

ტეხასის უნივერსიტეტის პროფესორი კარენ ულენბეკი  პირველი ქალია, რომელსაც აბელის £530 000-იანი ჯილდო გადაეცა. ულენბეკმა პრიზი ისეთი მინიმალური ზედაპირების მქონე სტრუქტურების შესწავლისათვის დაიმსახურა, როგორიც, მაგალითად, საპნის ბუშტებია.

წყარო: https://www.bbc.com/

სან-ფრანცისკოში გამართულ კონფერენციაზე გუგლმა თამაშების სტრიმინგის სერვისი, Stadia წარადგინა, რომელიც ხელმისაწვდომი აშშ-ში, კანადაში, დიდ ბრიტანეთსა და ევროპაში 2019 წლის განმავლობაში გახდება

Google-ის თქმით, სტადიაში ჩაშენებული იქნება YouTube-ის მხარდაჭერაც, ანუ მომხმარებლებს თამაშების ჩაწერა და მათი YouTube-ზე ატვირთვა პირდაპირ პლატფორმიდან, გამარტივებული წესით შეეძლებათ. გუგლის თქმით, Stadia-ს სტრიმინგს დასაწყისში 4K გარჩევადობის, წამში 60 კადრის მხარდაჭერა ექნება და ამისათვის წამში 25 მეგაბიტის სიჩქარის ინტერნეტი იქნება საჭირო.

წყარო: https://www.theverge.com

ნორვეგიის სამხრეთ სანაპიროზე ევროპაში პირველი წყალქვეშა რესტორანი გაიხსნა.

შენობას 11-მეტრიანი პანორამული ფანჯარა აქვს. წყალქვეშა რესტორანი მფლობელების მეგობრებისა და ოჯახის წევრებისთვის დღეს გაიხსნა, სტუმრებს კი აპრილიდან მიიღებს.

წყარო: https://www.reuters.com/

Netflix-მა ახალი საშინელებათა სერიალი გადაიღო.

შოუს “შავი ზაფხული” ჰქვია და ის ზომბი აპოკალიფსის შესახებ მოგვითხრობს. სერიალის პრემიერა 11 აპრილს შედგება.

წყარო: https://www.youtube.com/