დანიელმა არტისტმა ლივია ვიკსნამ თავისი ფეისბუკის გვერდზე გამოაქვეყნა ილუსტრაციები საქართველოს შესახებ, რომელსაც თან დაურთო აღწერები, თუ რამდენად მომაჯადოვებელია ეს ქვეყანა. ვიკსნა ადამიანებს მთელს მსოფლიოში მოუწოდა მოენახულებინათ საქართველო რუსეთის ტურისტული ემბარგოს საპასუხოდ.
“რამდენიმე დღის წინ საქართველოს დედაქალაქ თბილისში გამართულმა დემონსტრაციებმა ბიძგი მისცა პუტინს რუსეთიდან საქართველოში ფრენების გაუქმებისკენ, და გამომდინარე იქიდან, რომ ტურიზმი საქართველოს ეკონომიკის მნიშვნელოვან ნაწილს შეადგენს, ამ ქვეყანას თქვენი მხარდაჭერა ჭირდება ისე, როგორც არასდროს! 9 ილუსტრაციის საშუალებით მე აქ წარმოგიდგენთ ამ მომაჯადოვებელ ქვეყანას. გახსენით ისინი აღწერების სანახავად.” – წერს დანიელი ილუსტრატორი ლივია ვიკსნა თავის ფეისბუკზე.
