25 ივლისი დილიდან 

ცნობილია კომისია, რომელიც “ოსკარზე” საქართველოს კანდიდატ ფილმს შეარჩევს

კომისიის შემადგენლობაში იქნებიან:

• გაგა ჩხეიძე – ეროვნული კინოცენტრის დირექტორი
• ნინო ანჯაფარიძე – თბილისის საერთაშორისო კინოფესტივალი
• ნანა დოლიძე – საქართველოს განათლების, მეცნიერების, კულტურისა და სპორტის სამინისტრო
• გიორგი ხარებავა – კინოსტუდია “ქართული ფილმი”
• სულხან თურმანიძე – პროდიუსერი
• ზურაბ ინაშვილი – რეჟისორი
• ანკა კალატოზიშვილი – დამდგმელი მხატვარი
• სალომე კიკალეიშვილი – კინოკრიტიკოსი
• გიორგი მასხარაშვილი – რეჟისორი
• არჩილ შუბაშვილი – კინოკრიტიკოსი
• თემურ ჩხეიძე – რეჟისორი
• ნატა მურვანიძე – მსახიობი
• დათო ჯანელიძე – რეჟისორი

ეროვნულმა კინოცენტრმა საქართველოს კანდიდატი ფილმის შერჩევა 2 ივლისს დაიწყო. სრულმეტრაჟიანი მხატვრული და დოკუმენტური ფილმების მიღების ბოლო ვადაა 2019 წლის 26 ივლისი. კომისიის წევრებისთვის კვალიფიციური ფილმების ჩვენება  ივლისის ბოლოს იგეგმება. საქართველოს კანდიდატი ფილმი სპეციალური კომისიის მიერ ფარული კენჭისყრის საფუძველზე შეირჩევა.

წყარო: http://beta.gnfc.ge

ჯულია რობერტსი შესაძლოა სულ მალე მარველის სუპერგმირი გახდეს.

წინასწარი ინფორმაციით, ოსკაროსანი მსახიობი კინოსტუდიის ერთ-ერთ სამომავლო პროექტში ქეით ბლანშეტის პერსონაჟ ჰელას დაუპირისპირდება.

ტაიკა ვაიტიტის ახალი ფილმის, Jojo Rabbit-ის თიზერი გამოვიდა

კომედიურ ფილმში მოქმედება მეორე მსოფლიო ომისდროინდელ გერმანიაში ვითარდება. ერთ-ერთ მთავარ გმირს, ადოლფ ჰიტლერს თავად რეჟისორი თამაშობს. პროექტში ასევე სემ როკველი, სკარლეტ იოჰანსონი და ალფი ალენი მონაწილეობენ.

წყარო: https://www.youtube.com/watch?v=VTqd4yNFuSw

Blade Runner-ის ვარსკვლავი, მსახიობი რუთგერ ჰაუერი 75 წლის ასაკში გარდაიცვალა.

რიდლი სკოტის საკულტო ფილმის გარდა ჰაუერი მონაწილეობდა ფილმებში – Sin City-სა და Batman Begins-ში, თუმცა მის კარიერაში ყველაზე დასამახსოვრებელი როი ბეტის როლი აღმოჩნდა Blade Runner-ში.

წყარო: https://www.bbc.com/

ამაზონის ბოლო წლების ერთ-ერთი ყველაზე პოპულარული სერიალის, Homecoming-ის მეორე სეზონში მთავარ როლს ჯულია რობერტსის ნაცვლად ჟანელ მონე შეასრულებს.

რობერტსი მეორე სეზონში რომ არ ითამაშებდა, პირველი ნაწილის გამოსვლამდე ცნობილი იყო. თუმცა, მიუხედავად ამისა, ოსკაროსანი მსახიობი სერიალის აღმასრულებელ პროდიუსერად მაინც რჩება.

წყარო: https://www.vanityfair.com

ქართველი ჩოგბურთელი ნიკოლოზ ბასილაშვილი ჰამბურგის ტურნირის მეოთხედფინალშია.

ამ წარმატებას ბასილაშვილმა მერვედფინალში არგენტინელ ხუან იგნასიოს დამარცხებით მიაღწია. მეოთხედფინალში ქართველი ჩოგბურთელის მეტოქე ფრანგი ჯერემი ჩარდი იქნება, რომელიც ATP-ის ოფიციალურ რეიტინგში 77-ე ადგილზეა.