16 დეკემბერი დილიდან
ქართული ჰიპ-ჰოპ დუეტის, KayaKata-ს პირველი ალბომი პრესტიჟულ მუსიკალურ პლატფორმებზე, Spotify-სა Apple Music-ზე განთავსდა
ამის შესახებ ინფორმაციას ჯგუფი თავად ავრცელებს. გარდა ზემოთ ჩამოთვლილისა, მათ მოსმენას მსმენელი Google Play-ზე, Amazon Music-სა და Tidal-ზეც შეძლებს. აგრეთვე, ჩანაწერები Shazam-ის ბაზაზეც მოხვდა, რომელიც კომპოზიციების იდენტიფიკაციას შეუწყობს ხელს.
წყარო: https://www.facebook.com/
ვენის ტაძარში გია ყანჩელის ხსოვნისადმი მიძღვნილი საშობაო კონცერტი გაიმართა
Gepostet von Embassy of Georgia to the Republic of Austria am Mittwoch, 11. Dezember 2019
კონცერტში ავსტრიაში მოღვაწე ქართველი მუსიკოსები მონაწილეობდნენ. საღამოს ავსტრიაში აკრედიტებული დიპლომატიური კორპუსის, ავსტრიის სამთავრობო სტრუქტურების, კულტურულ-სამეცნიერო წრეებისა და ქართული დიასპორის ორასზე მეტი წარმომადგენელი დაესწრო.
წყარო: https://www.facebook.com/
ლეგენდარული მსახიობი, ფრანგული ახალი ტალღის ვარსკვლავი ანა კარინა 79 წლის ასაკში გარდაიცვალა
ლეგენდარული ანა კარინას გარდაცვალების მიზეზი ონკოლოგიური დაავადება გახდა. 79 წლის კარინას აგენტის, ლორან ბალანდრასის განცხადებით, მსახიობი საავადმყოფოში გარდაიცვალა. ანა კარინამ 1961 წელს რეჟისორ ჟან-ლუკ გოდარზე იქორწინა. პოპულარობა მას ფილმებში „შეშლილი პიერო“, „ცხოვრება საკუთარი ცხოვრებით“, „პატარა ჯარისკაცი“, „ალფავილი“ და „ქალი ქალია“ შესრულებულმა როლებმა მოუტანა.
წყარო: https://www.theguardian.com/
სუპერმოდელი ნაომი კემპბელი ფრანგული მოდის სახლის, Yves Saint Laurent-ის ახალი კოლექციის რეკლამაში გადაიღეს
ფოტოები როგორც თავად კემპბელის, ასევე ბრენდის Instagram-გვერდზე გავრცელდა. ქალებისთვის შექმნილი სმოკინგების კოლექციის რეკლამაში 49 წლის მოდელი ცნობილმა ბელგიელმა ფოტოგრაფმა ენტონი ვაკარელომ გადაიღო, რომელიც Yves Saint Laurent-თან მანამდეც თანამშრომლობდა.
წყარო: https://www.instagram.com/
USA Today-მ 2019 წლის ყველაზე სკანდალური ვარსკვლავები დაასახელა
მსახიობი და კომიკოსი კევინ ჰარტი სკანდალში ჯერ კიდევ გასული წლის ბოლოს გაეხვა. დეკემბერში ის ოსკარის დაჯილდოების 91-ე ცერემონიის წამყვანად დაასახელეს, თუმცა იმავე თვეს მან ამ ამპლუაზე უარი თქვა. ამის მიზეზი სოციალურ ქსელებში მის 10 წლის წინანდელ ჰომოფობიურ პოსტებზე კრიტიკა გახდა.
სერიალ „სასოწარკვეთილი დიასახლისების“ ვარსკვლავი, მსახიობი ფელისიტი ჰოფმანი სკანდალში ქრთამის გამო გაეხვა, რომლის გადახდა მან შვილის კოლეჯში ჩაბარების სანაცვლოდ სცადა. 14-დღიანი პატიმრობის გარდა მსახიობს 30000 დოლარის გადახდა და 250 საათი საზოგადოებისთვის სასარგებლო შრომა დაეკისრა.
მიმდინარე წლის იანვრის ბოლოს ფერადკანიანმა გეი მსახიობმა ჯუსი სმოლეტიმ პოლიციაში განაცხადა, რომ ჩიკაგოში მას თავს უცნობები დაესხნენ, რომლებსაც ნიღბები ეკეთათ. სმოლეტის თქმით, მას ყელზე ბაწარი მოაბეს და მათეთრებელი საშუალება გადაასხეს. ამასთან, თავდამსხმელები თითქოს რასისტულ და ჰომოფობიურ სიტყვებს ამბობდნენ. თებერვალში კი ის თავდასხმის ინსცენირებისთვის დააკავეს.
წყარო: https://www.usatoday.com/
Billboard-მა მუსიკაში ათწლეულის ქალი დაასახელა
ეს ჯილდო ამერიკელ პოპ-მუსიკოსს, ტეილორ სვიფტს გადაეცა. „როდესაც ეს ათწლეული დაიწყო, მე მხოლოდ 20 წლის ვიყავი. და ვხვდები, რომ ყველას ექნება ეჭვები შენთან დაკავშირებით, თუ შენ ხარ ქალი მუსიკალურ ინდუსტრიაში”, – განაცხადა სვიფტმა სამადლობელო სიტყვაში.
ნოემბერში სვიფტმა ლოს-ანჯელესში American Music Awards-ის 47-ე დაჯილდოებაზე მაიკლ ჯექსონის მიერ დამყარებული რეკორდი მოხსნა. მომღერალს ახლა 29 AMAs-ის ჯილდო აქვს მიღებული, ხოლო მაიკლ ჯექსონი 24 ჯილდოს მფლობელი იყო. Billboard-მა წლის ქალიც გამოაცხადა. ეს ჯილდო 17 წლის ბილი აილიშს გადაეცა.
წყარო: https://www.billboard.com/
Microsoft-მა ახალი თაობის Xbox-ის დიზაინი წარადგინა
მისი სახელი Xbox Series X-ია. Microsoft Xbox-ის ხელმძღვანელის, ფილ სპენსერის განმარტებით, ახალი მოწყობილობის ცენტრალური პროცესორი Xbox One X-ზე 4-ჯერ ძლიერია და მისი გამოყენება როგორც ჰორიზონტალურ, ასევე ვერტიკალურ მდგომარეობაში იქნება შესაძლებელი. ამასთან, Xbox Series X ნაკლებ ხმაურს გამოსცემს. ახალი კონსოლი 2020 წლის ბოლოს უნდა გამოვიდეს.
წყარო: https://www.youtube.com/