30 მარტი – დილიდან

პირველად საქართველოში 30 მარტს საქართველოს მწერალთა სახლი წარმოგიდგენთ მრავალკონცეპტიან გამოფენას სამი სახელგანთქმული მხატვრის შესახებ

სადაც თქვენზე შთაბეჭდილების მოხდენას შეეცდებიან ხმით, კოსტიუმებით, მუსიკით და, რა თქმა უნდა, ნახატებით. გამოფენის ორგანიზატორი ქალთა მულტიდისციპლინარული ჯგუფი (პარიზი – ბერლინი – თბილისი) საშუალებას გაძლევთ შეიგრძნოთ ცოცხალი ფერწერა და ხელოვნების ისტორია სხვადასხვა ინტერპრეტაციით აღიქვათ. ანალოგიური წარმოდგენის ნახვა შეგეძლებათ პირველ აპრილსაც, ამჯერად DRAMA Bar-ში.
წყარო: https://www.facebook.com/

Warner Bros. აქტიურად ემზადება Wonder Woman-ის მეორე ნაწილის გადასაღებად

დადასტურდა ინფორმაცია, რომ მეორე ნაწილში ვიხილავთ GOT-ისა და Narcos-ის ვარსკვლავს, პედრო პასკალსაც. რეჟისორმა პატი ჯენკინსმა ოფიციალურად დაადასტურა ისიც, რომ მეორე ნაწილის რეჟისორიც თავად იქნება. სავარაუდოდ, ფილმში მოქმედება 1980-იან წლებში განვითარდება და გალ გადოტის პერსონაჟი ცივი ომის პერიოდში საბჭოთა კავშირის წინააღმდეგ იბრძოლებს.
წყარო: https://www.hollywoodreporter.com/

The Handmaid’s Tale-ის რეჟისორი რიდ მორენო Fox Searchlight-ის დაკვეთით ანა ფრანკის შესახებ ფილმს, Keeper of the Diary, გადაიღებს

ანა ფრანკი ებრაელი გოგო იყო, რომელიც ჰიტლერის ოკუპაციის პერიოდში ნაცისტური ტერორისგან თავდასაცავად ამსტერდამში, პატარა სხვენს ოჯახთან ერთად აფარებდა თავს. ამ ეტაპზე ფილმის შესახებ ყველა ინფორმაცია გასაიდუმლოებულია.
წყარო: https://www.thewrap.com/

დიდი ბრიტანეთის სამეფო ოჯახის შესახებ გადაღებული ნეტფლიქსის დრამა The Crown მესამე სეზონისთვის ემზადება

ცოტა ხნის წინ გავრცელდა ინფორმაცია, რომ დრამის მესამე სეზონში პოლ ბეთანი ელიზაბეტის ქმრის, პრინც ფილიპის როლზე მეთ სმიტს შეცვლიდა, თუმცა არხმა და ბეთანიმ მოლაპარაკებას ვერ მიაღწიეს და ეს როლიც საბოლოოდ სხვა მსახიობს ერგო. მეთ სმიტის ნაცვლად ფილიპის როლზე ტობიას მენზისს ვიხილავთ.
წყარო: https://www.hollywoodreporter.com/

ქართველი მსახიობი ელენა სატინი CBS-ის ახალ სერიალში, Strange Angel, რუპერტ ფრენდთან ერთად ითამაშებს

ახალი შოუს შემქმნელი Black Swan-ის სცენარისტი მარკ ჰეიმენია, რომელიც სერიალს ჯორჯ პენდლის ამავე სახელწოდების წიგნის მიხედვით წერს და ის ნამდვილ ამბავს ეფუძნება. სიუჟეტის ეპიცენტრში 1930-40-იანი წლების ამერიკა და საიდუმლო სამეცნიერო ექსპერიმენტია.
წყარო: http://deadline.com/

კინოსტუდია Fox ნაცისტური რეჟიმისა და ჰოლოკოსტის შესახებ ფილმს გადაიღებს

დრამაში მთავარ როლს მსახიობი სკარლეტ იოჰანსონი შეასრულებს, სიუჟეტი კი გერმანული არმიის თინეიჯერი ჯარისკაცის შესახებ მოგვითხრობს, რომელიც გაიგებს, რომ დედამისი სახლში ებრაელ ბიჭს მალავს.
წყარო: http://variety.com/

Westworld-ის მეორე სეზონის პირველი ტრეილერი გამოვიდა

გულშემატკივრები დიდი მონდომებით ელიან HBO-ს ერთ-ერთი ყველაზე წარმატებული სერიალის, Westworld-ის მეორე სეზონს. ცნობილია მეორე სეზონის პრემიერის თარიღიც – შოუ ეთერში 23 აპრილს დაბრუნდება. ცოტა ხნის წინ კი HBO-მ შოუს მეორე სეზონის პირველი ტრეილერი გამოაქვეყნა:
წყარო: https://www.youtube.com

მეცნიერებმა ადამიანის სხეულში ახალი ორგანო აღმოაჩინეს

რომელიც სხვა ორგანოებისა თუ ქსოვილების გამართულად მუშაობას უზრუნველყოფს. ახლად აღმოჩენილ ორგანოს ინტერსტიტიუმი ჰქვია. ეს ერთმანეთთან დაკავშირებული, სითხით სავსე “სათავსოების” ქსელია რომელიც კანის ქვეშ, მუცელში, ფილტვებში, სისხლძარღვებსა და კუნთებში გვხვდება.
წყარო: http://time.com/

ხვალ, 18 საათზე, საქართველოს პარლამენტის ეროვნული ბიბლიოთეკის საგამოფენო დარბაზში საერთაშორისო ფოტოგამოფენა “საქართველო-უკრაინა-აზერბაიჯანი 2017” გაიხსნება

ინფორმაციას საქართველოს ფოტოგრაფთა ასოციაცია ავრცელებს, რომელიც ღონისძიების ორგანიზატორია.
გამოფენაზე წარმოდგენილი იქნება საერთაშორისო ფოტორაუნდის, “საქართველო-უკრაინა-აზერბაიჯანი 2017” საუკეთესო ფოტონამუშევრები.
წყარო: https://www.facebook.com