ბერლინის საერთაშორისო კინოფესტივალი 2022 იწყება

დღეს, 10 თებერვალს ბერლინის საერთაშორისო კინოფესტივალი იღებს სტარტს და ჩვენც გადავწყვიტეთ, ჩვენს მკითხველებს ამ მნიშვნელოვანი კინომოვლენის შესახებ ყველაზე საინტერესო ამბები მოვუყვეთ. 

ფესტივალზე, რომელიც 10 თებერვლიდან 20 თებერვლამდე გასტანს, მაყურებელი არაერთ საინტერესო ფილმს ნახავს და საბოლოოდ სხვადასხვა ნომინაციაში გამარჯვებულების ვინაობასაც გაიგებს. 

საკონკურსო შემადგენლობა უკვე სრულად არის ცნობილი.

ჩამონათვალშია ისეთი ცნობილი რეჟისორების ნამუშევრები, როგორებიც არიან – ჰონგ სანგ-სუსი, კლერ დენისი, ულრიხ საიდლი, რიტი პანისა და სხვა.

ფესტივალი ფრანგი კინორეჟისორის, ფრანსუა ოზონის ახალი ნამუშევრით – Peter von Kant გაიხსნება, რომელშიც ფრანგული კინოს ლეგენდარული მსახიობი იზაბელ აჯანი თამაშობს. 

მაყურებელი ასევე იხილავს კლერ დენისის ახალ ფილმს – Both Sides of the Blade, რომელიც რეჟისორის პირველი ნამუშევარია მისივე 2018 წლის გახმაურებული High Life-ის შემდეგ

დენისის ფილმში მთავარ როლებს ჟულიეტ ბინოში და ვინსენტ ვინდონი ასრულებენ. 

ფესტივალზე წარმატებული პროექტით, The Woman Who Ran-ით ბრუნდება სამხრეთკორეელი რეჟისორი ჰონგ სანგ-სუსიც.

აღსანიშნავია ისიც, რომ ბერლინალე 2022-ის ფარგლებში, ჯამში, 17 ახალი ფილმის პრემიერა გაიმართება. 

და მიუხედავად იმისა, რომ გერმანული კინოს ბაზარი მთლიანად ონლაინრეჟიმზეა გადასული, ფესტივალი შედარებით მოკრძალებულ ფორმატში, (ნაკლები სტუმრითა და გამკაცრებული კოვიდრეგულაციებით) მაინც გაიმართება.