საქართველო მდგრადი გასტრონომიის პირველ დღეს სპეციალური ღონისძიებებით აღნიშნავს

18 ივნისს საქართველო პირველად შეუერთდება გლობალურ საზოგადოებას მდგრადი გასტრონომიის დღის აღსანიშნავად. აღნიშნული ღონისძიება ორგანიზებულია Tbilisi Gastro Week-ის მიერ, გასტრონომიის მთავარი საერთაშორისო ფესტივალი საქართველოში, რომელიც  2022 წელს დაარსდა.

Tbilisi Gastro Week-ის მიზანია სტუმრებისთვის დაუვიწყარი, ექსტრავაგანტური და უნიკალური გამოცდილებისა და შთაბეჭდილებების შექმნა, გასტრონომიის ინდუსტრიის წარმომადგენლებისთვის კი – ახალი პერსპექტივების გაჩენა როგორც ადგილობრივ ბაზარზე, ისე – საერთაშორისო გასტროტურიზმის მიმართულებით.

ტრონომია

მდგრადი გასტრონომიის დღის აღნიშვნა ხაზს გაუსვამს მდგრადი პრაქტიკის მნიშვნელობას კულინარიულ ხელოვნებაში. ამ დღის აღსანიშნავად, თბილისი გასტრო კვირეულის ფარგლებში, მოწვეულია ცნობილი შეფ-მზარეული ნულოვანი ნარჩენების შემცველ გასტრონომიაში, ალბერტ ფრანშ სანიერი.

ექსკლუზიური სემინარი და ერთობლივი ვახშამი

შეფ-მზარეული ალბერტ ფრანშ სანიერი, ნულოვანი ნარჩენების კულინარიის პიონერი, ექსკლუზიურ სემინარს ჩაატარებს ადგილობრივი კულინარიის პროფესიონალებისთვის. ვორქშოფი მიზნად ისახავს სფეროს პროფესიონალებს გააცნოს ინოვაციური ტექნიკები და სტრატეგიები სამზარეულოში ნარჩენების მინიმიზაციისთვის, ხელი შეუწყოს მდგრადი პრაქტიკის პოპულარიზაციას, რომელიც სასურველია მზარეულებმა დანერგონ მთელი საქართველოს მასშტაბით. მეორე დღეს, შეფ სანიერი ითანამშრომლებს ადგილობრივ ვარსკვლავ შეფ-მზარეულთან, მერიკო გუბელაძესთან, რათა საზოგადოებას წარუდგინონ უნიკალური ექვსკერძიანი ვახშამი, ოთხ ხელში, ნინიას ბაღში.

ღონისძიების დეტალები:

• 18 ივნისი, 14:00, იაკობის ეზო: ვორქშოფი შეფ-მზარეულ ალბერტ ფრანშ სანიერთან
• 19 ივნისი, 20:00, ნინიას ბაღი: ერთობლივი ვახშამი (ალბერტ ფრანშ სანიერი, მერიკო გუბელაძე)