ბფფ – ბრაზილიელი ფანის ფიქრები


გააზიარე სტატია

Image result

ავტორი: გუგა სულხანიშვილი

დღეს ბრაზილია იწყებს. ხოდა სანამ ჩემპიონატში იქნებიან, მე ბრაზილიელი(ც) ვიქნები 🇧🇷❤️🇬🇪ერთადერთი გუნდი ვართ, ვისაც ყველა ჩემპიონატში მიუღია მონაწილეობა. შესაბამისად, ოცჯერ ვითამაშეთ გახსნის თამაში. ამ ოციდან ბრაზილიამ მოიგო 16, 2 ფრე (1974, 1978) და 2 წაგება (1930, 1934). გავიტანეთ 46 ⚽️ და 18 გავუშვით. ყველაზე დიდი ანგარიშით გახსნის თამაში მოვიგეთ – 1954 წელს მექსიკასთან 5:0 (გოლები: ბალთაზარი, დიდი, ჟულინიო, პინგა 2). გახსნის თამაშებში ყველაზე მეტი ბურთი ფლამენგოს ლეგენდარულ ლეონიდასს აქვს გატანილი – 3, 1938 წელი, პოლონეთთან მოგებული 6:5.

დიადი ტელე სანტანას ხელმძღვანელობით ბრაზილიამ ორი გახსნის თამაში ითამაშა და ორივე ძალიან მძიმე გამოვიდა. 1982 წელს, რუსებთან 2 წუთით ადრე, ედერის სუპერ-ბომბა-გოლასოთი მოგებული 2:1 (მანამდე სოკრატესმა 15 წუთით ადრე ასევე ბობმა-გოლასოთი გაათანაბრა, კიდევ უფრო მანამდე ესპანელმა მსაჯმა რუსებს ერთი გოლი არ ჩაუთვალა საეჭვო ოფსაიდიდან და პენალტის მიცემაც შეეძლო ლუიზინიოს ხელით თამაშისთვის). 1986-ში ესპანეთთან 1:0 მოვიგეთ სოკრატესის თავურით (მსაჯმა „რეალის“ მიჩელს ნაღდი გოლი არ ჩაუთვალა). ახლა იმ ჩემპიონატების გახსნის თამაშებს გეტყვით, რომლებშიც ჩემპიონები გავხდით 🏆 1958 – ავსტრია 3:0 (მაცოლა 2, ნილტონ სანტოსი (ფეხბურთის ენციკლოპედიად წოდებული Enciclopedia do Fotebol) , 1962 – მექსიკა 2:0 (ზაგალო, პელე), 1970 – ჩეხოსლოვაკია 4:1 (რიველინო, პელე, ჟაირზინიო 2), 1994 – რუსეთი 2:0 (რომარიო, რაი), 2002 =თურქეთი 2:1 (რონალდო, რივალდო)
ფოტოზე: დიადი ტელე სანტანა და კიდევ უფრო დიადი ზიკო

ახლა რაც შეეხება შვეიცარიას 🇧🇷🇨🇭მათთან სულ გვიჭირს: 8 თამაში, 3 მოგება, 2 ფრე, 2 წაგება. ბურთები: 10 გატანილი, 8 გაშვებული. მსოფლიოზე შევხვდით ერთხელ, 1950 წელს, 2:2 გავანადგურეთ (ბრაზილიის ერთადერთი ფრე იმ ჩემპიონატზე. გოლები: ალფრედო, ბალთაზარი). ეს თამაში ტრავმის გამო გამოტოვა ფლამენგოს უდიდოსტატესმა ზიზინიომ და სელესაოს წაფორხილება ამას მიაწერეს… სხვათა შორის, ზიზინიო პელეს უსაყვარლესი ფეხბურთელი და ინსპირაციაა.

დიადი ტელე სანტანას დროს ორი ამხანაგური ვეთამაშეთ შვეიცარიას: 1980 წლის 21 დეკემბერს 2:0 (სოკრატესი, ზე სერჟიო). ეს თამაში იყო გენერალური რეპეტიცია იანვარში სათამაშო მუნდიალიტოს წინ. წინა დღეს უდიადესმა ზიკომ კუნთი გაიწყვიტა და ცრემლები ვერ შეიკავა ინტერვიუში: შვეიცარიას ხომ ტოვებდა, მაგრამ ძალიან უნდოდა 4 იანვარს მონტევიდეოში არგენტინის წინააღმდეგ გასვლა, სადაც პირველად უნდა დაპირისპირებოდა მარადონას. ეს იყო მისი განცდების მთავარი მიზეზი.

ეს თამაში იმითაც არის აღსანიშნავი, რომ დიადმა ტელემ აქ პირველად განამწესა ელეგანტური სოკრატესი ცენტრ-ფორვარდად, კლასიკურ 9 ნომერზე (მუნდიალიტოს სამი თამაშიც სოკრატესმა ცენტრ-ფორვარდად ითამაშა და ძალიანაც კარგად, მაგრამ მერე ტელემ ისევ ნახევარდაცვაში დააბრუნა: იქ ის მაინც შეუდარებელი იყო. უკანასკნელად სოკრატესმა ცენტრ-ფორვარდად იტალიასთან 82-ში ითამაშა ბოლო ოცი წუთი…). მეორე ამხანაგური დიადი ტელეს ხელმძღვანელობით ზედ 82-ის ჩემპიონატის წინ იყო, 19 მაისს, და 1:1 დამთავრდა. გოლი ზიკომ გაიტანა. ვნახოთ დღეს რა იქნება.

ფოტოებზე: ნორჩი პელე თავის კერპ უდიდოსტატეს ზიზინიოსთან ერთად (უკვე შებერებული და სან-პაულოს მაისურით) და ელეგანტური სოკრატესი, რომელსაც შვეიცარიასთან თამაშებში ბრაზილიელებისგან ყველაზე მეტჯერ გაუტანია: 2 გოლი.

 

როგორც ზემოთ იხილეთ, შვეიცარიასთან გვიჭირს ხოლმე, მაგრამ კარგი ამბებიც მაქვს:
17 ივნისი სულაც არ არის ცუდი დღე ბრაზილიელებისთვის მსოფლიო ჩემპიონატებზე! 1962 წელს, ამ დღეს, ფინალი მოვუგეთ ჩეხოსლოვაკიას 3:1 (ამარილდო, ზიტო, ვავა); 1970 დავამხეთ ურუგვაი 3:1 (კლოდოალდო, ჟაირზინიო, რიველინო); 2002 სახლში გავუშვით ბელგია 2:0 (რივალდო, რონალდო) და 2014 – ფრე მექსიკასთან 0:0. ამას გარდა, დღეს ბრაზილია კლასიკური ფორმით ითამაშებს: ყვითელი-ლურჯი-თეთრი.

ყვითლით თავის ისტორიაში პირველად ბრაზილიამ 1953 წელს ითამაშა (მანამდე ფორმა იყო თეთრი) ჩილესთან და ამ ჩვენთვის საყვარელი ფორმით პირველი გოლი კორინტიანსის ბალთაზარმა გაიტანა. მანვე შეაგდო პირველი გოლი ყვითელი ფორმით ჩემპიონატებზე – 1954 წელს მექსიკასთან. სულ ჩემპიონატებზე კლასიკური ყვითელი-ლურჯი-თეთრი (გეტრები) ფორმით 59-ჯერ გვითამაშია. აქედან მოვიგეთ 41, 11 ფრე და 7 წაგება. იმედია, დღეს ამ საშინელ რიცხვს – 41-ს ავცდებით 😜


რეკომენდირებული სტატიები
საფეხბურთო მიმოხილვა: სანამ პირველი წრე ჩაივლის
Play Video

საფეხბურთო მიმოხილვა: სანამ პირველი წრე ჩაივლის

საფეხბურთო მიმოხილვა: სანამ პირველი წრე ჩაივლის
მუნდიალზე, კონკრეტულად ფეხბურთზე საუბარს როგორც გამოცდილება გვაჩვენებს, მეორე წრიდან იწყებენ, ამიტომაც ახლა ზუსტად ჭორაობის დროა.
სად ვუყუროთ ფეხბურთს?

სად ვუყუროთ ფეხბურთს?

სად ვუყუროთ ფეხბურთს?
გთავაზობთ თბილისში არსებულ რამდენიმე სივრცეს, სადაც სასიამოვნო გარემოში შეგიძლიათ თვალი მიადევნოთ ერთ-ერთ ყველაზე მნიშვნელოვან სპორტულ ღონისძიებას
მიიღე ყოველდღიური განახლებები!
სიახლეების მისაღებად მოგვწერეთ თქვენი ელ.ფოსტა.