2 ნოემბერი დილიდან

KHIDI – თანამედროვე ხელოვნების სივრცე – Sven Marquardt-ის გამოფენით – EAST 2 ნოემბერს იხსნება

გამოფენის პარალელურად დამთვალიერებელს თანამედროვე ელექტრონული მუსიკის აღიარებული არტისტის, Dominick Fernow-ს ლეგენდარული პროექტის – PRURIENT­-ის მოსმენა შეეძლება. საგამოფენო პროექტი EAST აერთიანებს Sven Marquard-ის მონუმენტურ, შავ-თეთრ ფოტო ნამუშევრებსა და ხელოვანთა კოლექტივის, Pfadfinderei-ის ფართო ფორმატის ვიდეო პროექციებს. გამოფენა EAST სპეციალურად KHIDI-ისთვის მომზადდა.

KHIDI – თანამედროვე ხელოვნების სივრცე – წარმოადგენს კლუბის ახალ პლატფორმას – მულტიდისციპლინური ფორმატის საგამოფენო სივრცეს KHIDI-ის მესამე სართულზე, რომლის მიზანიცაა ახალი არტისტული იმპულსების სინთეზით შექმნას უნიკალური გადაკვეთის წერტილი ელექტრონული მუსიკის აუდიტორიასა და სხვადასხვა შემოქმედებით მიმართულებებს შორის.

გამოფენა EAST  KHIDI-ში Hospital Productions Weekend-ის ნაწილია, რომელიც ორი ღამის განმავლობაში ექვს არტისტს მასპინძლობს: DOMINICK FERNOW-ს, ANCIENT METHODS-ს, NATHAN FAKE-ს, RON MORELI-ის, VOLVOX-ს, BECKA DIAMOND-ს.

Hospital Productions Weekend-ს KHIDI-ში RED BULL MUSIC  წარადგენს. RED BULL MUSIC მოძრავი მუსიკალური პლატფორმაა, რომელიც აერთიანებს მუსიკისა და კულტურის მამოძრავებელ სცენებს მსოფლიოს გარშემო.

ნახეთ: შეუდარებელი შარლიზ ტერონი დიორის ახალ რეკლამაში გადაიღეს

წყარო: https://www.youtube.com/

Netflix პოლონელი მწერლის, ანჯეი საპკოვკის რომანების მიხედვით სერიალის, The Witcher-ის გადაღებას გეგმავს

View this post on Instagram

#Geralt #TheWitcher #Netflix @Netflix

A post shared by Henry Cavill (@henrycavill) on Oct 31, 2018 at 7:24am PDT

სერიალში მთავარ როლს ჰენრი კავილი მოირგებს.

წყარო: https://www.instagram.com/

8-11 ნოემბერს ექსპო ჯორჯიაში თბილისის წიგნის დღეები გაიმართება

წელს გამოფენაზე დაგხვდებათ: ახალი თარგმანები, წლის ბესტსელერები, საბავშვო ლიტერატურა, ფასდაკლებები.

წყარო: https://www.facebook.com/

ვარკეთილის მედიათეკაში ლექციების ციკლს მწერალ არჩილ ქიქოძის საჯარო ლექცია გააგრძელებს

2016 წელს გამოცემული ბესტსელერის, „სამხრეთული სპილოს“ ავტორი და ლიტერატურული პრემიების – „საბას“, “ლიტერასა” და “გალას” ლაურეატი, ასევე ილიაუნის ლიტერატურული კონკურსის – საუკეთესო ქართული რომანის გამარჯვებული ისაუბრებს თანამედროვე და კლასიკურ ქართულ ლიტერატურაზე, მის საინტერესო ასპექტებსა და აუცილებლობაზე ადამიანის განვითარების პროცესში.

წყარო: https://www.facebook.com/

საქართველოს ეროვნული ბოტანიკური ბაღი გიწვევთ ყვავილების გამოფენაზე გამოფენაზე წარმოდგენილი იქნება ქრიზანთემების, გეორგინების მრავალფეროვნება, ასევე შემოდგომის სხვა ყვავილები და კომპოზიციები

ფესტივალი 3 და 4 ნოემბერს ჩატარდება. გამოფენაზე ნახავთ როგორც ბოტანიკური ბაღის კოლექციას, ასევე სხვა კერძო, მსხვილი სათბურებისას, რომლებიც თბილისში არსებულ ყვავილების მაღაზიებს/სალონებს ამარაგებენ.

წყარო: https://www.facebook.com/

Forbes-მა იმ ცნობილი ადამიანების სია გამოაქვეყნა, რომელთა ქონებაც მათი გარდაცვალების შემდეგაც კი იზრდება

ჩამონათვალში პირველ ადგილს მომღერალი მაიკლ ჯეკსონი იკავებს, რომლის ქონება 2018 წელს $400 მილიონით გაიზარდა. ფორბსის ათეულში ასევე მოხვდნენ ბობ მარლი, მერილინ მონრო, ჯონ ლენონი და სხვები.

წყარო: https://news.sky.com/

2019 წლის 14 თებერვალს დიდ ეკრანზე ტოდ შტრაუსის ახალი ფილმი Isn’t It Romantic გამოდის

ფილმში მთავარ როლებს რებელ უოლსონი და ლიამ ჰემსვორტი ასრულებენ, სიუჟეტის ეპიცენტრში კი ნატალია, რომელიც ვერ იტანს რომანტიკულ კომედიებს, თუმცა ერთ დღესაც აღმოაჩენს, რომ მისი ცხოვრება ნელ-ნელა რომანტიკულ კომედიას ემსგავსება.

წყარო: https://www.youtube.com/

ეროვნულ ბიბლიოთეკაში პენსიონერთა სკოლა გაიხსნა

ეროვნული ბიბლიოთეკა და ლიბერთი ბანკი ელექტრონულ დარბაზში წარმოგიდგენთ პენსიონერთა სკოლას, სადაც უკვე დარეგისტრირებული 338 პენსიონერი უფასოდ შეისწავლის კომპიუტერსა და ინტერნეტ–კომუნიკაციებს.

წყარო: https://www.facebook.com/